《有乜着數》熟不拘禮 阮兆祥口花花 氹欣欣除罩

疫情搞到愁雲慘霧,好彩有祥仔和欣欣帶來歡笑。
疫情搞到愁雲慘霧,好彩有祥仔和欣欣帶來歡笑。

阮兆祥和江欣燕屬一世好友眾所皆知,不過其親密度簡直超乎想像,祥仔斗膽挑戰欣欣底線,公然撩除罩,更猴擒試笠尚存餘溫的「二手罩」,而含羞答答的欣欣全程沒抗拒,關係如情侶般相當曖昧!

全新推出的《繽FUN星網》節目《有乜着數》首播後反應熱烈,阮兆祥和江欣燕兩位主持,再夥拍聲音演出的梅小惠推出新一集。口花花的祥仔發揮撩妹本色,大讚欣欣:「你呢個角度真係好靚,線條好立體,簡直係玲瓏浮凸。」欣欣低頭偷笑,祥仔再進擊說:「你介唔介意,我除你個罩落嚟睇吓?」

雖然「大膽」要求,但欣欣欲拒還迎,更手擺腦後再挺胸收腹,一副「Come On Baby」的表情,祥仔亦老實不客氣,一手除去欣欣的口罩說:「真係好立體,有鐵線㗎喎!」隨即戴上面,原來祥仔鍾情的是口罩,場面爆笑。

問到祥仔竟和欣欣「一罩兩份用」可擔心衞生問題?他扮失憶說:「有咩?死喇,唔記得咗添,有時拍嘢就係咁忘形。」欣欣亦是記性差,尤其在數字方面,試過500元當50元用:「我記錯咗,仲叫的士司機唔使找錢添,蝕底晒。」也試過記錯通告的日期及時間,祥仔聞言即笑言下次不交換口罩,想跟欣欣交換銀行戶口。

食保健產品補腦

欣欣自知記憶力差,除服用抗衰逆齡的保健產品補腦外,亦用巨型月曆自我提醒,還會配合健康飲食,加強身體及精神狀態:「一定要Keep好狀態,我記劇本係冇問題。」

祥仔又談及疫情持續,商騷機會大減外,見任職酒吧的朋友失業而心翳,欣欣安撫好友話:「好在仲有善良嘅廖碧兒救亡,開設網上平台幫助同業共度時艱。」再現笑容的祥仔大呼:「Keep Going,大家飲杯。」

講爛Gag講到出神入化的阮兆祥,今次轉Mode情挑江欣燕。
講爛Gag講到出神入化的阮兆祥,今次轉Mode情挑江欣燕。
廖碧兒急人之所急,與酒吧業界共度時艱。
廖碧兒急人之所急,與酒吧業界共度時艱。