有片! 52歲伍詠薇幫吳卓羲治不舉 一對三男神講「一夜情」

三位男神黃宗澤、馬國明、吳卓羲早前上《Tiger’s Talk》節目,同兩位主持阿Bob及伍詠薇大談「一夜情」,已屆狼虎之年的伍姑娘,老實不客氣話要三個男神一齊嚟,之後佢補充話會揀馬明做「one night stand」對象,因為乜男人都試過,但未試過醫生咁話,又要Bosco做night night stand男友,最後仲講到可以幫吳卓羲治癒不舉㖭!真係三男神都畀佢玩殘!

撰文:東方新地 | 圖:《Tiger’s Talk》截圖

伍詠薇搵馬明卓羲Bosco玩3P

Bosco、馬明、吳卓羲一齊上節目《Tiger’s Talk》宣傳,同兩位主持阿Bob及伍詠薇大談一夜情。
Bosco、馬明、吳卓羲一齊上節目《Tiger’s Talk》宣傳,同兩位主持阿Bob及伍詠薇大談一夜情。

劇集《飛虎之雷霆極戰》三位型男主角黃宗澤(Bosco)、馬國明及吳卓羲(Ron)為邵氏特備節目《Tiger’s Talk》擔任嘉賓,面對兩位搞鬼主持林盛斌及伍詠薇,三男神都無力招架!

「哎吔阿媽」伍姑娘 暢談同仔one night stand

可能曾經合作拍劇,Ron與Bosco都分別於劇集《大唐雙龍傳》及《飛虎之潛行極戰》中演過伍姑娘的兒子,對住呢個哎吔阿媽,兩人表現寧舍生鬼,不停和伍姑娘鬥咀,反而馬明就經常一臉尷尬,當阿Bob問伍姑娘,如果三個之中,one night stand、男朋友、老公會如何選擇時,她興奮表示one night stand最好三個:「三個一齊嚟!因為我依家呢個年紀係三個一齊嚟先補到我㗎!」之後她就一貫正經指會揀馬明,因為一生遇過無數嘅男人,但未遇過馬明呢類,所以揀他!Bob就好奇問:「你揀力嘅表現定咩先?如果揀力嘅表現,你睇吳卓羲對腳粗到……」

一對三男神講「一夜情」 51歲伍詠薇幫吳卓羲治不舉
一對三男神講「一夜情」 51歲伍詠薇幫吳卓羲治不舉

吳卓羲與黃宗澤都曾在劇集演伍詠薇兒子,難怪兩人對住伍姑娘不停進擊完全冇退縮,相反馬明就經常一臉尷尬!

一對三男神講「一夜情」 51歲伍詠薇幫吳卓羲治不舉
伍姑娘直指想三個型男一齊嚟,好大食﹗

伍詠薇揀Bosco做男友

伍姑娘繼續出擊説:「佢呢啲腳型我歎過好多!馬國明醫生我未遇過!」至於男朋友,她就揀Bosco:「因為我覺得佢好多計!」吳卓羲即搞鬼問:「但係冇one night stand?」點知伍姑娘即時還擊話:「唔係,呢個night night stand!」連Bosco都畀佢攞盡便宜,仲話老公會揀Ron,指他會是一個不錯的老公型,點知又畀阿Bob入到位,衰衰向Ron說:「就算你不舉都鍾意你!」搞到Ron要澄清:「唔係事實嘅嘢,我唔回應!」伍姑娘即打蛇隨棍上謂:「但係我會幫到你㗎!」一對三男神任佢魚肉!認真爆笑!

Bosco都冇伍姑娘乎!
Bosco都冇伍姑娘符!
畀阿Bob話不舉,搞到吳卓羲咬唇嬲嬲豬!
被阿Bob話不舉,搞到吳卓羲咬唇嬲嬲豬!
伍姑娘喝止阿Bob話:「不要借我傷害他!」但仍補上一句:「但我會幫到你!」真係畀佢玩殘!
伍姑娘喝止阿Bob話:「不要借我傷害他!」但仍補上一句:「但我會幫到你!」真係畀佢玩殘!

去片!吳卓羲叫喚「薇薇~」

喺阿Bob同伍姑娘主持下,Bosco、馬明同阿Ron暫時放低男神包袱,挑戰「一夜情」話題。伍姑娘先要阿Ron叫佢「薇薇~」,之後揀同馬明One Night Stand,再同Bosco Night Nihgt Stand。到阿Ron抗議時,伍姑娘佛心地表示會幫佢解決不舉問題?

延伸閱讀:

失憶24小時|江湖大嫂李松蔓原來係舞林高手 靠玩高難度空中瑜伽吸睛

曾志偉高調揸旗 新抱王敏奕風騷搶fo 等做星夢下任一姐