有種好男人|陳自瑤陪捉姦演活八婆角色 網民激讚演技到位

《有種好男人》陳自瑤
《有種好男人》陳自瑤

TVB小品劇集《有種好男人》由李佳芯(Ali)、馬德鐘、陳自瑤及吳偉豪主演,劇集播出以嚟都深得網民愛戴,一班網民除咗睇「女神」級代表人物李佳芯之外,飾演馬德鐘姑姐「飛飛」楊飛雲嘅陳自瑤同樣備受關注,唔少網民都留言大讚佢演活八婆性格嘅角色,無論表情定係語氣都非常迫真,仲話睇得好過癮。

陳自瑤喺劇中飾演嘅「飛飛」楊飛雲,係一個雖然性格八卦、多管閒事又衝動,不過為人非常義氣嘅人,又成日扮專家教侄子馬德鐘追求李佳芯。唔少網民睇過佢嘅演出,紛紛留言大讚佢演活角色,例如「中意Yoyo嘅戲份 飛飛好搞笑」、「楊飛雲做得好好,好正囉 傻得嚟好有義氣」、「你演得好好,有喜劇感,又有感動位。」、「你演十三點嘅角色演得好正呀!」、「已揮灑自如, 駕馭隨意。」及「姑姐哩個角色你演得好好,尤其同馬德鐘既對手戲,好夾好有火花」等等。

另外,近日劇中仲講到趙希洛懷疑老公曹永廉出軌,而陳自瑤就陪趙希洛去「一樓一」捉姦,期間陳自瑤仲叫趙希洛打電話俾老公,睇下佢去咗邊一個單位,最後佢哋發現搞錯咗,曹永廉並唔喺現場,而陳自瑤仲繼續潑婦罵街,鬧爆該名嫖客。睇完呢一集之後,唔少網民都留言大讚佢演技自然又逼真,不過有網民拎佢同王浩信嘅關係相提並論,兼喺Facebook tage王浩信。

陳自瑤早前接受傳媒訪問,期間就話覺得自己嘅真實性格同劇中角色唔似,因為佢個人比較深思熟慮,唔知飛飛咁衝動,同時亦冇飛飛咁多嘢講。另外,被問到有冇試過陪閨密捉姦,陳自瑤就話冇,因為呢啲只係拍戲先有,就算有朋友講過另一半有外遇,不過都唔會咁樣捉姦。

《有種好男人》劇照
《有種好男人》劇照
《有種好男人》劇照
《有種好男人》劇照
《有種好男人》劇照
《有種好男人》劇照
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖
《有種好男人》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!