東寶小館結業︳「奇異博士」都幫襯 揸fit人露比曾獲提名金像獎男配角

北角渣華道市政大廈的大排檔東寶小館,被食環署以租務問題為由終止租約,並要於星期五之前交還攤檔,東寶因此宣布結業。

開業30年嘅東寶,最多人記得嘅可能係越夜越大聲嘅音樂,同埋用「戰鬥碗」飲酒嘅快樂時光。唔少星級食客都曾經喺度開餐,邵仲衡今日就post咗一張以前同林保怡喺度食飯嘅相。就連「奇異博士」Benedict Cumberbatch同影后Tilda Swindon早年來港宣傳新片,都拉大隊幫襯東寶。2018年辭世嘅名廚Anthony Bourdain生前去到世界各地拍攝特式食肆嘅紀錄片No Reservation,都有喺東寶取景。

東寶小館結業︳「奇異博士」都幫襯 揸fit人露比曾獲提名金像獎男配角
東寶小館結業︳「奇異博士」都幫襯 揸fit人露比曾獲提名金像獎男配角
東寶小館結業︳「奇異博士」都幫襯 揸fit人露比曾獲提名金像獎男配角
東寶小館結業︳「奇異博士」都幫襯 揸fit人露比曾獲提名金像獎男配角

去過東寶都見過滿場飛嘅經理露比,間中會同客人劈酒甚至跳舞你睇。原名張醒超嘅露比,後生時做過夜場同酒店西餐廳,因此經營東寶時會播歌搞熱氣氛,用雪凍嘅「戰鬥碗」飲酒亦係取材自酒店用冰凍酒杯侍酒嘅做法,只不過當年食客用裝湯羹嘅大碗盛酒,露比改用飯碗,並取名「戰鬥碗」。

東寶小館結業︳「奇異博士」都幫襯 揸fit人露比曾獲提名金像獎男配角
東寶小館結業︳「奇異博士」都幫襯 揸fit人露比曾獲提名金像獎男配角

東寶假如係一台戲,露比可以話係台柱。而露比的確拍過幾套戲,甚至憑1999年陳果作品《細路祥》,獲得香港電影金像獎最佳男配角提名,不過最終輸俾狄龍。戲中露比演蝦蝦霸霸嘅惡人專恰細路,入型入格。

東寶小館結業︳「奇異博士」都幫襯 揸fit人露比曾獲提名金像獎男配角
東寶小館結業︳「奇異博士」都幫襯 揸fit人露比曾獲提名金像獎男配角

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!