東張西望|苦主請工人疑受騙 網民錯重點讚靚女:成個湯怡咁

《東張西望》外傭中介公司苦主被指與湯怡似樣
《東張西望》外傭中介公司苦主被指與湯怡似樣

​​TVB資訊節目《東張西望》近年報導唔少社會時事及民生議題等議題,獲得大眾關注。早前節目曾報導有苦主疑被一間外傭中介公司欺騙,該苦主俾晒費用,但工人並冇出現過。日前再有苦主現身節目,指被同一間外傭中介公司欺騙,苦主想請一個識中文又識煮中菜嘅外傭,但工人嚟到竟然係貨不對辦。該集節目出街後,網民唔係討論事件,而係將重點放咗喺苦主嘅外型上,仲紛紛留言大讚佢靚女,同好似湯怡。

日前苦主葉小姐指屋企有兩個小朋友,所以想請一個識中文又識煮中菜嘅外傭,之後呢間中介公司就介紹一個曾經係台灣工作嘅外傭俾佢,不過因為佢識中文同煮中菜,所以要俾多三千蚊中介費。之後,姐姐喺視像面試時可以用普通話溝通,於是就請咗呢位姐姐,不過葉小姐等咗兩個月都未見到姐姐,所以葉小姐再俾多千五蚊買機票及額外再俾隔離酒店嘅費用,即係佢前前後後俾咗超過2萬6千蚊。

葉小姐終於等到姐姐嚟屋企幫手,不過姐姐完全貨不對辦,佢唔識講廣東話或者普通話,淨係識一句「我不懂」。至於煮中菜方面,除咗識煮印尼撈麵之外,姐姐咩都唔識。然後葉小姐再話佢打算喺屋企打邊爐,叫姐姐準備但原來佢唔識處理,但中介公司之前明明話會係台灣做過工人,但姐姐就話佢冇見過打邊爐。最後姐姐做咗13日就辭職,而葉小姐喺經勞工處調停後攞返大約3千蚊嘅一個代通知金,之後再向勞工處及海關投訴呢間外傭中介公司。

之後,節目主持前往呢間中介公司了解,中介公司呂小姐就回應話姐姐嘅母語唔係廣東話同普通話,所以可以學得慢,同埋喺影片中嘅姐姐講得好我,仲話間間中介公司都係咁做。之後呂小姐再話姐姐做成點唔關佢哋事,同埋指葉小姐要求太高。

節目出街後,網民唔係討論事件,而係將重點放咗喺苦主葉小姐嘅外型上,仲紛紛留言大讚佢靚女,同好似湯怡,例如「口罩小姐OK喎」、「我4000做葉小姐工人 唔好同我爭」、「唔差喎仲以為主持,右邊仲似路人」、「成個湯怡咁」、「主持似外傭。。。」、「葉小姐說什麼都對」、「第一眼睇以為佢先係主持」、「頭先睇以為係藝人」、「靚過港姐」、「係咪 artist黎?幾正」、「葉小姐對眼有D似湯怡」、「葉小姐幾靚」及「以為葉小姐係主持。。好屈機..佢肯上鏡。..証明佢有一定自信...同埋佢真係幾上鏡。。直接可入行」等等。

《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
《東張西望》截圖
湯怡
湯怡
湯怡
湯怡
湯怡
湯怡

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!