東張西望｜被指無照顧中風女兒兼疑似獨吞津貼 母親終交出款項 否認無情惟指關係平淡

昨日提及過，TVB《東張西望》前晚播出前健身教練阿 Kit 的故事，她去年因為運動期間中風入院，雖能救回但要入住安老院舍。照顧阿 Kit 的男友阿 Ron 希望阿 Kit 母親幫手照料，但對方一直指工作忙，然而她又抽到時間申請殘疾人士津貼，款項更一直未交出。《東張西望》昨晚播出事件的下半集部份，攝製隊連同阿 Ron 找到阿 Kit 母親一同對質，她表示自己「就嚟退休，都要用錢」，又認為是阿 Ron 照顧不當令她有麻煩，覺得「心碎」。阿 Kit 母親後來在錢箱拿出款項，阿 Ron 亦都收下；她亦表示，自己跟女兒關係平淡，又指自己都有出錢買床，女兒如果回家都有地方睡，但她認為阿 Kit「有咗男朋友之後就肯定冇我」，指自己「願意接受個女，照顧佢一生一世。」

節目開頭，阿 Ron 表示阿 Kit 母親儲起了傷殘津貼但又不拿出來，「每次一係話唔知，一係就賴落人哋度」，「依家連津貼都扣起埋就真係有啲 over。」阿 Ron 指，現階段最希望就是爭取回阿 Kit 的監護權，「就算你唔幫手，可唔可以放返個監護權出嚟呀？」，指對方不交出監護權已經令照顧開支增加，指現時要月花 8,000 元，如果傷殘津貼能夠到手就有約 4,000 元，開支減半；另外阿 Ron 指只要監護權到手，就會接阿 Kit 回家一同生活。

之後，攝製隊跟著阿 Ron 去到阿 Kit 娘家，阿 Kit 母親朱小姐因此受訪。朱小姐指，見到女兒的狀況「心情梗係難過，唔使講啦？」。被指工作忙，朱小姐就指自己「日日都要返工」，亦因為如此而較少探望阿 Kit，並指就算女兒要覆診，都會有護士安排。對於阿 Kit 將要做頭蓋骨接駁手術，要 50 萬元手術費，朱小姐指要考慮一下會否付款，「我自己要退休，我都要用錢啦」，又問「佢自己冇錢嘅咩？佢自己嘅錢我唔知喎，佢同佢（男朋友）生活咗四、五年，佢銀行戶口有幾錢我都唔清楚」，「佢都成年人，又唔係同我生活，我點樣承擔？」她又聲稱保險經紀指有 20 萬元可以賠償，不過主持就質疑指，她已經斷供保險，沒法理賠。

攝製隊之後再問及，朱小姐能否將殘津款項交出，她就突然邀請攝製隊和阿 Ron 入屋，之後就打開錢箱。「我自己有錢，大把錢，我唔使佢養我」，之後她就將鈔票轉交到阿 Ron 手中，但表示對方要寫收據，證明已經收款。阿 Ron 其後追問，阿 Kit 將要做手術，問朱小姐有何打算，她就表示「咁妳想點吖？你而家麻煩到我呀你知唔知，由於你照顧不當，導致我咁麻煩，真係心都碎呀」，又指事件令她感晴天霹靂，阿 Ron 也立即道歉。攝製隊之後問，覺得照顧阿 Kit 的責任在誰人身上，朱小姐就指責任在阿 Ron，「佢同佢一齊 5 年喇」，但她同時指有照顧女兒廿多年。

節目指，攝製隊其後再到訪阿 Kit 娘家找朱小姐，問及她們兩人關係；朱小姐就表示自己有為女兒的病患作準備，「買咗張床 3 千幾蚊，買咗好耐準備接佢出院」，「（冷氣機）擋風板我剛剛買，準備好，就等佢個頭唔好畀風吹到」。單位掛滿了阿 Kit 小時候的照片，而朱小姐的丈夫在 6 年前去世，被問到如何評價母女關係，朱小姐就指「我哋關係好平淡」，「佢初初返嚟時畀 500 蚊我，我煮餐飯佢食，家常便飯，都可以的」，「但佢識咗男朋友之後，錢又唔畀，咩都唔畀喇」，「佢有咗男朋友之後就肯定冇我啦」。她對於被認為更重視金錢，就回應指「我唔理人哋講咩，總之我覺得自己冇做錯」，「我願意接受個女，願意照顧佢一生一世。」

節目末段又返到阿 Ron 和阿 Kit，阿 Kit 輕聲表示愛對方；阿 Ron 就指到底前路如何走，自己下半生如何安排，這些問題都困擾他多時；「但最尾都會諗，如果父母照顧我上半生，我認定呢位女士陪我下半生嘅話，我係咪應該放棄？佢病咗，我係咪應該走咗去？」，「寧願自己做得幾多得幾多，安撫到幾多得幾多」，「我都唔知自己撐到幾耐，撐到幾耐得幾耐啦」，又希望阿 Kit 能夠大程度恢復說話能力，有自理能力，「咁樣已經好滿足」。