旅行社請「拉麵試食員」包機票包酒店一年免費去日本3次!網民創意食評回應:十麵埋伏
旅遊復甦後,各大公司都出盡招數推旅行優惠宣傳,一系列優惠碼鬥快搶!而這次東瀛遊搞新意思,利用大家對拉麵的熱誠,參加出post遊戲,2位勝出者即可獲得免費旅行,一年3次,全包3日2夜的機票酒店,拉麵痴如果想食盡日本各地拉麵,記得參加啦!
【立即睇】全新 Yahoo Shopping 專頁正式上線,跟貼最新優惠情報!
機票優惠格價平台:
酒店住宿優惠格價平台:
行程及飲食優惠平台:
東瀛遊剛於11月14日公布招聘拉麵試食員,參加方法只需要在11月25日晚上11:59前,在公開的Instagram帳戶中,出post寫上10個字內的拉麵食評,同時落tag@egl_tours及#拉麵試食員,並follow埋東瀛遊Instagram page,即成。
結果將於12月9日,就會於官方Facebook及Instagram公布,分為「最高人氣大獎」及「最具創意大獎」兩位試食員,兩人可於未來一年、於指定出發日期免費飛日本3次。現時已有過百名參加者,當中創意食評包括「等九分鐘 十麵埋伏!」、「一個人 兩碗麵 想咀三啖師傅」、「靚女要靚 拉麵要正」、「人善比人蝦 拉麵加龍蝦」、「師傅下麵十分好吃」、「千絲萬縷 纏麵數十條」、「拉麵好掛湯 但更掛住你」、「泣くほど美味しい」(好食到喊)等等創意食評。
想免費旅行的大家,立即去同拉麵打張卡,再出post參加啦。
更多相關文章
白川鄉點燈2023年1月重啟!日本旅遊必睇雪景絕色 85折早鳥預約優惠 包來回接送+飛驒高山古街觀光+飛驒牛晚餐