林家棟帶傷上陣 郭富城床底激戰 唔敢打面考功夫

兩大影帝郭富城和林家棟昨日為電影謝票，城城自爆拍打戲受傷致筋腱發炎，又指家棟當時因鼻樑受傷，拍攝打戲時不敢打對方的臉，非常考功夫。

郭富城、林家棟、監製鄭保瑞和導演黃慶勳，昨日到荃灣一戲院為主演電影《斷網》謝票，他們甫現身，全場觀眾興奮起哄。城城分享拍戲點滴，指該片是繼《浪漫風暴》後最難拍的電影，試過拍到筋腱發炎，要做兩個月物理治療。

全部打戲親自上陣

城城受訪時透露其中一場戲與家棟在劏房的床下底對打：「我演藝生涯中覺得打拳戲難拍，呢套係第二難拍，喺床下底同家棟角力，要用陰力打，雖然現場有武師排戲，但全部打戲都係自己打。」而家棟早前拍另一電影時臉部受傷入院，當時仍繼續拍攝《斷網》：「導演話可以用機器遷就，監製直頭話打少啲燈。」

城城表示當時見家棟鼻上傷口裂開，只能就住打，不敢打臉，改為打心口，甚考功夫。對於觀眾大讚該片戲種新鮮，他感恩辛苦也值得，又指太太方媛亦讚好看。隨着電影業復常，他認為演員最緊要做好角色和本分，並覺得觀眾才是最大得益者，因為不用再戴口罩入戲院，感覺舒服得多。

家棟恨睇城城巡唱

城城在疫情期間共拍了7部電影，其中3部今年輪住上，認真厲害。下周他飛美加展開為期逾3星期的世界巡迴騷，近來忙於排練，家棟即表示有興趣看：「聽講今次個演唱會好多機關，好想睇。」城城指演唱會名為《舞林外傳》，是全新製作，問到會否帶妻女同行？他表示要就時間，家棟即笑言：「城城帶我去呀！」