林家熙講錯嘢 吳家忻笑一世

林家熙與吳家忻互窒耍花槍。
林家熙與吳家忻互窒耍花槍。

藝人林家熙(Locker)與女友吳家忻(Jeannie)昨日以情侶檔出席腕錶活動,Locker表示未去過日本,亦未試過跟女友去旅行,希望農曆新年一齊外遊,Jeannie笑言:「佢想去『參表道』。」Locker無奈解釋:「我以前將日本表參道講咗『參表道』,畀佢講到依家!」

提到不少情侶旅行時會鬧交,問到會否擔心?Jeannie表示:「唔擔心,因為我好易相處。」Locker即冷笑說:「兩個人鬧交一定有,但我哋好少鬧交,多數係大家冇手尾而鬧交囉!」