梁凱晴Tip心水港姐

梁凱晴(左)與楊培琳悉心打扮亮相活動。
梁凱晴(左)與楊培琳悉心打扮亮相活動。

應屆港姐梁凱晴與楊培琳、譚凱琪、黃嘉樂等昨日出席明珠台活動,梁凱晴有留意新一屆港姐,睇好「連詩雅師妹」邢慧敏,覺得對方個子高兼樣子甜美,亦對「爆炸頭」佳麗Astrid有印象,她又透露原本有機會出埠拍節目,但因疫情而取消,預計8月將會開劇。而楊培琳透露原本有朋友參加港姐,但最終打了退堂鼓。

嘉樂上月求婚成功,指婚期要看疫情,先「造人」則隨緣,又透露求婚有不少蝦碌:「想畀驚喜佢,同佢去睇『藍眼淚』,拎戒指出嚟嘅時候女友問我點解冇花,話有花先答應,跪低求婚又有3架跑車打燈,女友以為係我安排,我話唔關我事。」而劇集《十八年後的終極告白2.0》將大結局,譚凱琪自爆不斷被追問劇情,但大膽地連奶奶也沒有劇透,因為簽了保密協議。