梁詠琪出PO親解演唱會服裝設計 「抹完鼻血嘅紙巾」長裙靈感來自《花火》歌詞

梁詠琪

梁詠琪(Gigi)日前舉行一連3場紅館個唱《時間遇上我們》,商台DJ梁文禮睇完頭場後喺IG出限時動態大讚Gigi好靚,不過之後佢又喺私人Facebook帳戶狠批Gigi喺演唱會嘅衫醜、唱功差兼編排差,因評語完全相反被網民直斥為雙面人。掀起呢場風波後,Gigi大方回應,而梁文禮亦喺《叱咤樂壇》時開咪公開向Gigi道歉及指自己已寫長文道歉並託雲妮轉交Gigi。

喺噚日(23日),梁詠琪喺社交網站出多個PO,上載演唱會服裝靚相,感謝各位本地設計師及親解演唱會嘅服裝設計靈感,其中一條裙就係梁文禮以「抹完鼻血嘅紙巾」嚟形容,Gigi表示:「Opening look ( Part 1) 靈感來自歌曲“花火”歌詞「原來風雪可以使我堅壯使我堅強」,詞曲意境如燃燒中的花火,服裝捕捉了最燦爛的一瞬間,把最美的停留。運用樸實的隔棉物料印染成漸變玫瑰花瓣, 用不同裁片切割營造出燃燒中的玫瑰, 仿如風雪中不斷燃燒時的燦爛,孤高而美麗。」

唔少網民留言大讚Gigi尊重設計師及著得好靚,例如「真心靚。支持本地創作」、「Gigi你同你套衫都幾靚,同埋花火超好聽」、「你呢次演唱會所有服飾都好靚,睇得出設計師好用心切合你去設計。多謝佢哋令個演唱會更完美完整。香港設計師加油。」、「Gigi 演唱會d衫真心好靚好好睇」、「一眼就睇到設計師既用心,每套衫同每首歌都有連結,支持撐本地設計師」、「件件都靚又有型 你身型好好 著件件衫都充滿魅力」及「超靚 支持本地設計師 辛苦哂大家啦」等等。同時,亦有網民表示該服飾效果不似預期,留言話「左面畫出來靚,但現實出來效果不似預期, 著出來好臃腫,本人感覺唔靚,就係噤簡單」、「被某人說過後,我也覺得像染了血的xx」、「實物與設計圖差好遠….」、「理念還理念, 肉酸還肉酸, 兩件事。好心用好d料, 絲質料會唔會好好多呀, 咪鬼用大陸綿」、「​​個圖同 idea係正,但成品就真係好似鼻血紙巾。覺得係布料問題,吾似花瓣,重到似火山,或者日本富士山但紅色」、「設計概念好。可惜成品唔靚,唔知係咪物料配搭關係?第一件似棉胎,第二件好懷舊陳寶珠年代感覺。」及「畫得幾靚 實物完全貨不對辦 鼻血紙巾形容得非常貼切」等等。

梁詠琪
梁詠琪
梁詠琪
梁詠琪
梁詠琪
梁詠琪
梁詠琪
梁詠琪
梁詠琪
梁詠琪
梁詠琪
梁詠琪
梁詠琪
梁詠琪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!