梅艷芳｜伍珂玥被網民發現珍藏梅姐CD係翻版 楊千嬅睇到皺晒眉頭

電影《梅艷芳》將於星期五（12日）正式上映，內地及台灣亦會同步上畫，近日女主角王丹妮連同楊千嬅及監製江志強馬不停蹄到內地各大城市宣傳新片。日前電影於廣州舉行分享會，邀請《2021中國好聲音》總冠軍23歲嘅伍珂玥擔任嘉賓，期間佢拎出珍藏多年嘅梅姐CD，不過當千嬅拎起佢嘅CD睇完之後就露出尷尬嘅表情，之後更被網民指出呢啲梅姐CD係翻版。

喺分享會中，伍珂玥除咗翻唱梅姐《蔓珠莎華》之外，自稱係忠實粉絲嘅佢仲拎出珍藏多年嘅梅姐CD，並指梅姐影響佢嘅一生話「有些碟子比我年紀還要大，小時候家裡有梅姐碟子是一件引以為傲的事情，鄰居也會借來聽。梅姐在我的心目中是一個完美的存在，也是我音樂道路上的引路人。梅姐積極樂觀的精神、永不言敗的精神、還有她敬業的精神都是值得我一輩子學習的事情。」企喺隔籬嘅千嬅接過珍藏CD後就話CD好有歲月嘅痕跡，不過當佢研究隻CD後就皺晒眉頭，露出尷尬嘅表情，仲搵埋王丹妮同江志強一切睇下隻CD。片段其後喺網絡上瘋傳，之後更被網民指出CD全部都係老翻。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！