楊思琦甩Beat兼走音 被網民封「女版陶大宇」

女星楊思琦近年於內地發展，活躍於內地社交平台，熱愛唱歌嘅佢近日拍片翻唱林志美嘅歌曲《初戀》，惟片中佢幾乎每句都瀕臨走音邊緣，嚴重跟唔上節奏，而且舞步勁有年代感，似足鄭裕玲嘅「鈣質舞」，即時引起網民負評，有網友甚至笑佢係「女版陶大宇」，唱腔、舞步都太有個人特色：「原來不止陶大宇」、「點解咁嘅，完全冇港姐風範」、「好騎呢」、「男有陶大宇，女有楊思琦，唱歌真的是」、「好好一個港姐冠軍，不至於這樣吧」。