雅虎香港新聞 【歐遊慳錢法】羅馬地鐵超環保 回收膠樽可免費搭車！
環保係世界潮流，相信無人唔贊成，全球各地政府都話要鼓勵環保，不過好多時都係注重大方向，同一般民眾有啲離身，未必好關事。近月意大利羅馬就好有諗頭，地鐵推出環保新措施，只要下載一個APP，就可以帶膠樽去地鐵站嘅自動回收機，逐個膠樽計分。一個膠樽可以得到5分錢歐羅，大約儲30個膠樽就可以得到一張免費車票，而且最方便係唔使去站台兌換，只要直接用APP入到嘅E-Ticket就可以出入閘。羅馬之所以會有呢個政策，全因為近年飽受垃圾問題困擾，作為意大利最多遊客城市之一，但就出現滿街垃圾、衛生問題嚴峻，政府諗咗呢個方法令民眾可以自願回收膠樽，短短兩個月成功回收35萬個膠樽。大家下次去羅馬之前記得下載呢個APP，可以幫助解決環保問題，又可以免費坐車，一舉兩得！
一個APP就可以入膠樽儲分，夠分就可以換車票。
大約30個膠樽就可以得到一張車票。
羅馬垃圾非常多，街上可見唔少膠樽被廢棄。
相關文章：
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊
