正義迴廊︳弒父母案有內情 同謀逍遙法外 兇手好友爆料︰有人扮蠢

《正義迴廊》預告片截圖
《正義迴廊》預告片截圖
《正義迴廊》預告片截圖
《正義迴廊》預告片截圖

票房越戰越勇嘅港產片《正義迴廊》,故事以大角咀弒父母兇案改編,由舞台劇演員楊偉倫同麥沛東飾演死者幼子張顯宗及其好友唐文奇,片中涉及殺人分屍鏡頭,又透過討論案情帶領觀眾思考,十分刺激。

《正義迴廊》預告片截圖
《正義迴廊》預告片截圖

《正》片中陪審團其中一個討論重點,就係被指智力低下嘅唐文奇,有冇份參與殺人,呢個討論點亦係原案件中其中一個爭議。

《正義迴廊》預告片截圖
《正義迴廊》預告片截圖

大角咀弒父母兇案2013年發生,當時一對兄弟喺facebook開設專頁尋找失蹤嘅父母,佢地話父親周榮基及母親蕭月兒聲稱返內地旅行玩幾日,但係之後失去蹤影,於是報警。失蹤夫婦嘅細仔周凱亮接受傳媒訪問講解詳情,不過後來警方喺大角咀搵到失蹤夫婦嘅屍體,並拘捕周凱亮同埋朋友謝臻麒,控以謀殺等罪名。

正義迴廊︳弒父母案有內情 同謀逍遙法外 兇手好友爆料︰有人扮蠢
正義迴廊︳弒父母案有內情 同謀逍遙法外 兇手好友爆料︰有人扮蠢

根據案情及法庭供詞,周凱亮喺案發後,向一齊打機嘅網友以及親朋「自首」,庭上佢又指成長過程對父母有唔少怨恨,例如細個被逼學琴、被父母送到外國讀書但遭當地人欺凌等。周凱亮作供時表示,本來打算輕生,但同謝臻麒傾訴時對方叫佢以殺人報復世界。周講述案發經過時曾指出,佢同謝臻麒都有份襲擊及殺害周榮基同蕭月兒。

精神科專家作供時指,周凱亮智商有126,高於常人;而謝臻麒就只有84。陪審團後來以8比1裁定周凱亮謀殺罪成,判終身監禁。而謝臻麒就被一致裁定謀殺罪名不成立獲釋。

正義迴廊︳弒父母案有內情 同謀逍遙法外 兇手好友爆料︰有人扮蠢
正義迴廊︳弒父母案有內情 同謀逍遙法外 兇手好友爆料︰有人扮蠢
正義迴廊︳弒父母案有內情 同謀逍遙法外 兇手好友爆料︰有人扮蠢
正義迴廊︳弒父母案有內情 同謀逍遙法外 兇手好友爆料︰有人扮蠢

案件轟動一時,有專門講述重案嘅youtuber拍片提及呢單案,有自稱周凱亮好友喺影片下留言,佢辯稱周唔係為錢弒父母,更暗示「身邊有人同佢講,想自殺不如搵你最憎嘅人走先」、「呢個人係邊個,有腦嘅人實知,人扮聰明冇乜可能,不過扮蠢扮遲鈍低能,係人都得」。

當年有傳媒喺謝臻麒獲釋後進行訪問,片段中所見謝言行舉止異於常人,而報導文章就提到處理案件嘅探員聲稱有人本來落口供時「正正常常」,似有所指。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!