九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
永華日常除了重現永華麵家的美食,亦集合了其他老字號的出品。

屹立灣仔70年的永華麵家,以竹昇雲吞麵而馳名,自2018年結業轉手予本地餐飲集團敘福樓,不過經數年時間,永華麵家依然遲遲未見回歸,叫食客大感可惜。但九龍灣淘大最近開了間名為「永華日常」的餐廳,主打雲吞麵,難道是灣仔永華麵家重新開業嗎?說中了一半,永華日常是購入永華麵家的敍福樓餐飲集團,亦是大家熟悉的牛角集團全新推出的港式餐飲品牌,餐牌更找來不同的香港老字號,如甄沾記、公和、廖孖記等等合作,相當有火花!

【立即讚好】全新 Yahoo Food Facebook 專頁

屬於香港人的餐廳 重現9成灣仔永華麵家餐牌

「我哋想做間屬於香港人嘅餐廳。」全權負責永華日常的敍福樓餐飲集團副總經理張曉基(Keith)說,「可以話,我們將永華麵家九成餐牌跟食譜,都完整重現喺永華日常當中。」原來自灣仔永華麵家宣佈結業後,Keith就跟老闆黃傑龍一直討論如何將這個富有歷史的品牌延續下去,「在商業角度看,如果單賣雲吞麵係有一定冒險,所以我哋希望永華日常設計成適合唔同嘅食客,多啲選擇同時食到好地道嘅香港味道。」

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
秘製蝦籽柚皮 $118

蝦籽柚皮為永華麵家的名物,雖然製作繁複,但Keith依然堅持留在餐牌上。

雖然雲吞麵因產量問題,無法重現永華的手打竹昇麵,但Keith表示除了竹昇麵外,整碗雲吞麵都與永華麵家一模一樣,「我哋雲吞麵有大細選擇,除了有返傳統細蓉,亦想大家可以Share一碗大嘅雲吞麵,然後再試多啲唔同嘅嘢食。」不過比起重現往日美食,永華日常亦旨在創新,好像蝦籽厚燒玉子,除了面層的蝦籽,日式玉子中用到的高湯亦轉用雲吞湯湯底,相當特別。

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
蝦籽厚燒玉子 $28

超厚蛋卷,咬起來品嚐到啖啖魚湯味。

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
前/桑寄生蓮子蛋茶 $40、後/永華日常 全日早餐) $118

桑寄生蓮子蛋茶承傳永華獨家秘方,加入普洱茶,清甜味美;全日早餐加上酥炸咕咾肉,中西合璧,相當特別。

本地老品牌齊撐 廖孖記腐乳意粉有驚喜

「除咗永華麵家,我哋亦好想將一啲老品牌比更多年青一代認識。」因此Keith開始與不同老字號聯絡,並重新創作出不同美食,頭炮有甄沾記、公和跟廖孖記,「我用咗好幾個月同佢哋傾,畢竟每個品牌都有佢哋自己堅持,我哋再睇下點夾。」Keith說,好像廖孖記腐乳加上芝士臘腸變成卡邦尼意粉,雖然並非第一間店創作出腐乳意粉,但永華日常成功突出腐乳香氣又不會太唐突,而且更有惹味麻辣版。

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
麻辣廖孖記腐乳芝士臘腸卡邦尼 $78

能嚐到陣陣腐乳香氣,麻辣版比普通版更驚喜,而且分量十足,兩人分享都無問題。

永華日常的目標講完一個又一個,Keith再說:「香港人有個習慣,就係食完飯再去食糖水,我哋呢度都有幾款拿手糖水,希望客人可以喺度食埋碗糖水。」永華日常的設定有點像茶餐廳,又有點像快餐廳,踩入店內帶有種莫明的親切感,「老闆話好耐都未試過開新店咁興奮,佢計劃品牌下年起碼開多5至7間,無論邊區都可以陪住大家。」Keith笑言,這間充滿香港氣息的港式餐廳,將會在12月於灣仔開設旗艦店,當中更有一些充滿永華麵家的歷史產物,值得期待。

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
甄沾記仙椰汁焦糖燉蛋 $32

價錢相當公道,略甜且椰汁味可以加重。

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
公和荳品廠豆腐奶凍 $32

相信大家對豆腐奶凍也不陌生,口感嫩滑。

九龍灣美食|灣仔永華麵家變身永華日常 70年老牌雲吞麵變身賣All Day Breakfast+廖孖記腐乳卡邦尼
枱上當然不能少了,最近人氣爆燈的集團老闆黃傑龍「給客人的話」。

全新訂座平台「Yahoo訂餐廳×Openrice」正式上線!

>>立即按此了解更多香港各區餐廳訂座優惠<<

永華日常

地址:九龍灣牛頭角道77號淘大商場1期地下 G143-162號舖(地圖按此

營業時間:7:30am-10:00pm

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

更多九龍灣美食推介

九龍灣TASTE×FRESH 二萬呎超市開幕!抵食3餸飯+海鮮即場加工+即包餃子

九龍灣美食|元朗燒賣皇后妙舒進駐淘大花園!$12/5粒自家製香菇豬肉燒賣+秘製辣醬

【九龍灣美食】九龍灣午餐高質茶餐廳 新鮮粟米忌廉通粉/手撕雞湯咖喱/咖喱蛋包飯

【九龍灣外賣】Deliveroo戶戶送九龍灣首設戶戶小廚 消費滿$200享75折優惠

【九龍灣火鍋】犇殿台灣火鍋任食火鍋放題 $178起食盡回本靚牛

九龍灣美食廣場Foodeli午餐推介10間 限時全單8折優惠

MUJI無印良品九龍灣旗艦店開幕!全港最大分店:日本食材/茶米/手造麵包

【九龍灣美食】廠廈人氣小店!$70滑雞飯+原個椰皇燉湯

【九龍灣美食】走鬼車仔麵檔復活入舖!70歲老闆三代同堂

>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!

【今晚食乜好】唔知今晚食乜餸?立即去Yahoo Food 食譜專頁搵靈感