汪小菲親揭同大S離婚真相:我感到身心疲倦!

汪小菲親揭同大S離婚真相:我感到身心疲倦!

台灣女星大S(徐熙媛)上年同汪小菲結束10年婚姻,早前有傳汪小菲婚內出軌內地網紅張穎穎,而離婚後佢同張穎穎嘅戀情亦逐漸浮面,佢日前開Live嗰陣,終於講出自己同大S離婚嘅原因。佢透露喺未離婚嗰陣,成日會覺得好累,因為佢同大S婚後與一對仔女定居台灣,而佢嘅父母都住喺北京,佢要經常獨自往返內地與台灣,令佢身心疲倦,好感慨咁話:「我每個禮拜都要來回飛,那時還沒有創業,當時的自己都不知道自己每天都在幹甚麼,渾渾噩噩的,就這樣一直在兩個地方來回奔波!」

汪小菲喺疫情期每次往返都要隔離浪費時間,因此佢同大S商量希望一家人搬到北京住,但遭到大S拒絕,有傳因大S唔慣喺北京住。佢透露離婚後嘅真實心聲,佢感覺好開心,仲慶幸自己可以好好陪伴父母,並努力經營事業,對依家嘅佢嚟講,自由先係最重要!