油麻地美食|打冷名店紅伶重開變兩層多咗嘢食 即睇打冷鑊氣小炒推介
開業超過50年的紅伶飯店,原址位於佐敦吳松街19號,於去年5月宣佈結業,令不少人大呼可惜。事隔一年,紅伶飯店於今年5月中突然宣佈「重出江湖」,眾網民街坊得知後大感雀躍,新店開張至今除潮洲菜晚市外,亦加了各款鑊氣小炒及午市,立即睇睇有何好食,一起尋回昔日的味道!
【立即讚好】全新 Yahoo Food Facebook 專頁
新店樓高兩層縮短等候時間
紅伶飯店重開,新店位於油麻地砵蘭街14號,樓高兩層,比起舊店只得一層約10張桌,面積大幅增加,大大縮短顧客等候時間。新店繼續供應紅伶原有打冷菜式,如馳名滷水鵝、招牌冰鎮芥辣墨魚片等;除冷檔食品外,亦加入過百款小炒,連海鮮、煲仔菜、避風塘小菜、粥粉麵飯都有,以平衡更多人口味。同時,紅伶重開後加了午市,不過主要賣燒味粥粉麵碟頭飯,想食潮州菜的要等到晚市呢!
打冷鑊氣小炒加午市燒味
紅伶飯店重開後,不少人大呼雀躍,只因其打冷小菜的確吸引,但同時他們亦推出不少小炒,同樣值得一試!
1. 馳名滷水鵝
撚手必食打冷菜式之一,味道仍然夠香夠鮮!
2. 冰鎮芥辣墨魚片
另一出名打冷菜,灼熟冰鎮墨魚,再切成薄片,添上麻油,蘸芥末豉油,口感清新又爽口。
3. 蠔仔肉碎粥
鮮香惹味,裡面有蠔仔有魷魚,非常足料。
4. XO醬小炒王
過百款小炒之一,大大碟非常惹味,韭菜花、帶子、魷魚、腰果等共冶一爐。
5. 咖喱糕蟹
蟹糕極多,配以咖喱,口感滿滿,味道於口腔徘徊不散。
6. 椒鹽脆皮豆腐
外酥內軟,送飯一流!
紅伶飯店
地址:油麻地砵蘭街14號(地圖按此)
電話:3481 2020
營業時間:星期一至日11:30am-00:00am
全新訂座平台「Yahoo訂餐廳×Openrice」正式上線!
更多油麻地美食推介
【油麻地美食】半年零收入改賣串燒聘同業 舞台燈光師:自己行業自己救
【油麻地美食】米芝蓮推介牛腩小店! 10款自創口味牛腩:脆皮/藥膳/咖喱
【油麻地美食】小巷多士店!香茅豬扒蛋吐司 丁子高都開post讚?
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!