波波黃婧靈疑身材豐滿兼言論出眾上位被「後生女」排擠？今出PO澄清否認

波波黃婧靈（前名：黃凱儀）憑36E豐滿身材及出位言論大受關注，加上曾經喺J2綜藝節目《#後生仔傾吓偈》中被曾志偉欽點，成為新寵兒被安排於多個節目中亮相；除咗擔任《The Show Must Go On》嘉賓訓身大玩遊戲，更加有份主持J2節目《冇人性教育》，不但言論惹火，仲示範埋性愛體位及口交技巧等，被封「TVB新一代性女」，搶盡鏡頭；不過，波波近日社交平台一番言論，貌似暗示被排擠。

波波日前感性發文，表示自己唔會理旁人嘅聲音，寧願獨處與孤獨：「不管做什麼，不同人會有不同的聲音 最重要清楚自己的位置和想法 不壓抑，我只順我天性 寧願獨處也不強融，寧可孤獨也不違心 我想的事少，過簡單的日子，做最簡單的人。」就連劍神張家朗都讚好波波嘅帖文；有網民就感到波波最近與其他「後生女」比起以前交集少咗，質疑波波係咪被「後生女」排擠。

「後生女」陳欣茵、黃紫恩（JoJo）、杜穎珊（Sandy）及波波以前不時相約外出，甚至Staycation慶生。不過，有指佢哋近日變得疏離，都冇咩喺社交平台見到合照；亦有知情人透露指波波以前冇機心，但漸漸成為進取派，而且宜家多工作在身，都冇時間搵一班「後生女」，故此有傳關係大不如前。有媒體就因傳聞聯絡波波，波波就回覆指自己因為睇咗啲道教書所以「文青」上身，份人平易近人，與身邊朋友都相處得好好。

另外，喺今朝（22日）波波亦喺社交網站出PO指自己冇被人排擠：「多謝大家關心 我真係無俾人排擠只不過係見到呢篇文章幾有意思先寫出嚟」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！