流水落花｜45歲陸駿光入行20年首當男一 曾被直斥茄喱啡：hurt到想轉行

陸駿光（嗱喳）與鄭秀文（Sammi）合作拍攝電影《流水落花》，入行廿年首演男一。2002年，陸駿光透過無綫藝員訓練班入行，之後做足9年閒角，2012年轉投王維基旗下，於港視爭取發牌集會模仿《半澤植樹》諷刺政府被喻為「港版堺雅人」，原先有機會初嚐男一滋味，但港視最後不獲發牌而告吹。不過，是次拍得成《流水落花》亦因為3年前與導演賈勝楓編劇太太羅金翡於港視結緣。日前，陸駿光接受《星光背後》訪問，與梁泰分享多年來受盡旁人冷言冷語，最記得有次與陳豪拍外景時被市民直斥茄喱啡：「陳豪好有型啊，唉，隔離嗰個『茄哩啡』！」呢句說話令陸駿光極為難受，直言：「hurt到想轉行」；又自責一直無能力盡子女責任，除咗無畀過家用，媽媽60歲大壽時亦唔夠錢畀，最後由哥哥們付帳。

陸駿光過去多年收入唔穩定，卻於失意時與拍拖3年圈外女友茵茵Sherraina結婚，佢就公開感激太太令佢脾氣變得穩定，又肯喺佢事業未有起色時付託終身，亦一直送上鼓勵及支持：「她從沒勸過我轉行，每次我想放棄時，她都鼓勵我，令我重拾追夢的決心。」陸駿光更表示，拍拖初期早已認定太太，仲話對方係佢嘅能量泉源。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！