【深水埗美食】亂世兄弟班!賣 $18免治牛肉飯撐學生

Desmond(右)和阿志,和另外兩個拍檔,合力開急凍食品及快餐店,打造自己的前路。
Desmond(右)和阿志,和另外兩個拍檔,合力開急凍食品及快餐店,打造自己的前路。

常說,患難見真情。亂世的香港,有四個各有本業的大男人,合作展開一門新生意。他們兄弟班,在深水埗開店賣急凍食品,又在同區開快餐,以性價比招徠,做街坊生意。「深水埗區,大家都預咗嚟緊會困難,毋須要賺到咁盡啦!」老闆之一的Tony說。於是,五十元一客原條鰻魚飯,一百蚊可以鋸安格斯肉眼,更推出 $18學生及長者飯,免治牛肉、粟米肉粒,天天為在社會沒有持份的學生哥及老人家打氣。

【立即讚好】全新 Yahoo Food Facebook 專頁

係時候要轉變

這是一個,關於男人情誼的故事。阿志和阿Ken,本在深水埗福仁電腦商場賣潮流產品,是生意拍檔。做開網購急凍食品生意的Desmond,和阿志是車友,因嗜好相同而結識。傳媒工作者Tony,因為搵料報道,認識了阿志和阿Ken,慢慢由工作闗係變成朋友關係。Tony和Desmond則因阿志和阿Ken是Common friend,最終也成了朋友。

快餐店Cool2Steak開在西九龍中心美食廣場,是街坊學生搵食熱點。
快餐店Cool2Steak開在西九龍中心美食廣場,是街坊學生搵食熱點。

嘩!關係亂過亂世佳人,卻憑一點牽連起來。就是人到中年,塞在樽頸,大家都在思索一條出路。「我做網購做咗咁多年,發展開始飽和,係時候要轉變架喇!」Desmond說。Desmond最初不是做冷凍食品網購的,年少的他,做過迪士尼樂園,後來考入HAECO做飛機維修,談不上甚麼理想,說不出甚麼興趣。「講真,我一直係為份人工架咋。」他說。

汝洲街的急凍食品店Mr. Cool為快餐店提供最堅實後盾。
汝洲街的急凍食品店Mr. Cool為快餐店提供最堅實後盾。

他像大部分香港人一樣,在大機構任小螺絲,天天喊悶天天返工,看不到將來。因為親人中有做開急凍海產生意,就兼職創業,開自己的網購店,人生開始有了目標。四年前,他毅力離職,一頭栽進自己的生意。「都貯到一班熟客架,不過淨係做網購唔係辦法,我想試下做門市。」Desmond說。

志同道合打拼

他未做過門市,但因車會的關係,認識了在深水埗做潮流產品門市生意的阿志和阿Ken,一齊度度橋,希望借助他們的經驗,實現開門市的想法。阿志和阿Ken,在深水埗人氣熱點福仁電腦商場打躉多年,由最初的手機玻璃貼,到洗車水槍、通渠大炮……甚麼有潛質成為人氣產品的東西他都賣。

粟米肉粒飯$18/學生及長者(正價$32) 肉粒切得大大粒,有咬口。粟米下得多,忌廉汁香甜好送飯。學生哥加杯汽水加$3。
粟米肉粒飯$18/學生及長者(正價$32) 肉粒切得大大粒,有咬口。粟米下得多,忌廉汁香甜好送飯。學生哥加杯汽水加$3。

「好多年前我賣部梳打水機,可以自己整汽水。我搵到香港有梳打水機貨源,但氣卻好貴。我死搵爛搵,最後同香港氧氣公司傾,結果平價攞到。」每逢講起產品,阿志就由本來怕怕醜醜變得口若懸河。他有眼光,又有堅持,堅持要自己試過好的東西他才賣,因此擁有一班忠粉。本來生意一直不俗,但隨着近年大陸貨大行其道,生意愈發艱難。碰巧車友Desmond邀約合作搞門新生意,就拍心口加入。

肉醬意粉$18/學生及長者(正價$32) 肉醬用靚扒頭尾做,醬汁甜甜哋好開胃。正價有腸蛋,豪一點。
肉醬意粉$18/學生及長者(正價$32) 肉醬用靚扒頭尾做,醬汁甜甜哋好開胃。正價有腸蛋,豪一點。

本來三個臭皮匠,就是新計劃班底,誰料一直做開傳媒的Tony,原來早已做到Burn out,正為尋找突破而煩惱。「做記者曾經做得好開心,自己鍾意尋根究柢吖嘛,每次做到好稿都好滿足。但長久做前線工作,日日如是,就快燒乾了,所以決定轉行。」Tony說。他在大學修讀新聞系,畢業未幾,就在一間傳媒機構打工,一幹就是22年,做過飲食,又做過電子產品玩具模型手錶等男人玩意報道,甚至連風月版都做過,見證過本地傳媒的風光,也見證過它的衰落。

「近日發覺呢行真係愈嚟愈難做,壓力愈來愈大,早排我做到入醫院,真係係時候要諗諗出路咯。」Tony說。

全情投入博一舖

四個大男人,有志一同,決定合作博一舖。他們各司其職,阿Ken傍住Desmond,守在汝州街急凍食品門市。Tony和阿志,則全力打理西九龍中心Food court上的快餐店,由於兩店距離不遠,也方便大家互相走位,交換補替。

肉扒全部用真空袋個別密封,有柯打才解凍。
肉扒全部用真空袋個別密封,有柯打才解凍。


此外,各人也一身兼幾職,Desmond熟知取貨門路,入貨重任就由他負責。鰻魚,取山東產的,他專登北上廠房去挑選。專揀A級貨,爽口有肉地沒泥味的才要。牛扒,美國安格斯,Prime grade,他都有辦法攞到平靚正的。就連近日在師奶界大人氣的泰國CP單骨雞翼他們都有賣,成為店子開張後的人氣貨品。

「啲師奶鍾意用氣炸鍋吖嘛,成日喺網度教炸呢隻雞翼,咪紅咗囉,我哋未開門就有師奶嚟排隊喇!」阿志說。

12安士安格斯肉眼$108 肉眼扒大過隻碟,配炸薯格及配菜汽水,抵食。
12安士安格斯肉眼$108 肉眼扒大過隻碟,配炸薯格及配菜汽水,抵食。

入到靚貨,就由阿志負責做伙頭。午晚市,每市供應約十種食物,每日最少有三四款扒和兩款學生飯供應,都說阿志做事有堅持,米用珍珠米,油用米糠油……「意大利米糠油,貴一般花生油三倍,勝在油煙少,健康啲。」他說。

每塊肉扒,都用真空袋獨立封好,有柯打放進水中解凍,即叫即煎。

蒲燒原條鰻魚飯$50 大大條鰻魚,彈牙好吃,蒲燒汁惹味,送飯一流。
蒲燒原條鰻魚飯$50 大大條鰻魚,彈牙好吃,蒲燒汁惹味,送飯一流。

就是十八元的學生飯,他都用心對待,免治牛肉,用Prime扒的頭尾來做,切走肥肉,自己打過醬。粟米肉粒,不忿外間切得太細,肉粒專登切大粒些,吃來才有咬口。至於Tony,剛辭職還未正式歸隊,卻已急不及待,工餘時間來幫手。拼裝修,做宣傳,全情投入,不遺餘力。「我份人係咁,做一件自己鍾意嘅嘢就會全情投入,邊個騷擾我我都會發脾氣,會爆架!」Tony說。全情投入,就是成功的第一步。兄弟爬山,各自努力,齊心就事情,核爆都唔割。

阿Ken(左)主力坐鎮急凍食品店,和Desmond是最佳拍檔。
阿Ken(左)主力坐鎮急凍食品店,和Desmond是最佳拍檔。

相關文章

【深水埗美食】深水埗文青素食餐廳!素漢堡包90%似真漢堡?

【深水埗美食】31歲仔棄中環寫字樓工 深水埗賣Q彈地瓜球

【深水埗美食】台妹開正宗芋圓店!手工芋圓地瓜圓+即製剉冰

COOL2STEAK

地址:西九龍中心8樓806號舖(地圖按此

電話:26539898

撰文、攝影:譚偉健

【有好東西分享?】立即去Yahoo Food Facebook 專頁投稿/片

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能