清空情侶合照 林正峰自爆甩拖 約游嘉欣蜜遊大澳

藝人游嘉欣與林正峰多次演情侶並傳出緋聞，日前男方自爆回復單身，之後就與嘉欣齊齊到大澳旅行！不過嘉欣否認拍拖：「我哋Friend到好難會發展，作為朋友，都係祝福佢之後搵到幸福啦！」

無綫小花游嘉欣與林正峰多次合作，先後在劇集《香港愛情故事》、《青年心城之撐起青春》及《青春不要臉》飾演情侶，去年更傳出撻着。其實當時林正峰已有女友Yuki，更不時在社交網放閃，當日與嘉欣被拍得車廂密會爆緋聞，他即向女友派定心丸，並上載拖手照，高調宣布慶祝拍拖3周年，以行動闢謠，當時嘉欣亦有留言：「sweet sweet！」

男方高呼「好滿足」

雖然他與嘉欣多次表示只屬好友，但雙方似乎「分不開」，最近更被發現齊齊去「蜜遊」！他們早前拍攝劇集《回歸》、《曙光》雙雙染疫，之後要隔離休息，數日前已康復的他們即出關，各自在社交網上載暢遊大澳的照片。嘉欣率先晒相及留言：「大澳一日遊，好似去咗個小旅行咁！」之後就到林正峰發文，分享單人照及留言：「終於可以抖吓氣，感覺好似已經去咗個旅行咁，好滿足！」同聲同氣，充滿默契。

雙方因而再傳緋聞，林正峰更被發現已刪走社交網中與女友Yuki的合照，並透露回復單身。嘉欣昨日被問到是否相約林正峰拍拖旅行？她即說：「唔會啦！因為大家都想出街影吓相，咁啱呢輪都放假，夾到時間咪出去囉！其實真係冇咩特別，只係正常朋友活動，影到靚相就Po。」問到對方是否有意追求？她說：「識嘅都知我哋真係Friend，Friend到好難會發展，作為朋友都係祝福佢之後搵到幸福啦！」