港姐準決賽取消︱600萬舞台報銷!曾志偉復工急拍特輯頂上

港姐準決賽取消︱600萬舞台報銷!曾志偉復工急拍特輯頂上
港姐準決賽取消︱600萬舞台報銷!曾志偉復工急拍特輯頂上

新冠疫情嚴峻,無綫《2022香港小姐競選》有6位佳麗中招,大會決定取消本月(9月)4日的準決賽,19位佳麗直接進身25日的紅館決賽!昨日(30日)曾志偉確診康復後復工,夥拍麥美恩、邵初、梁凱晴及關楓馨4位港姐,為準決賽取消拍攝港姐特輯,同時正式交代最新安排。曾志偉表示準決賽徹底取消,故臨時變陣錄播特輯:「原本我哋拍咗好多片,準備喺準決賽播,咁橋啲片用得番,剪埋一個鐘左右,畀大家認識今年參賽嘅佳麗。」

曾志偉復工拍攝港姐特輯。
曾志偉復工拍攝港姐特輯。
交代港姐最新安排。
交代港姐最新安排。

曾志偉續指原本港姐準決賽落足心機,可惜始終未能成事:「我哋本身想做一個好另類嘅準決賽,第一係司儀嘅組合,畀4個完全冇做港姐經驗嘅港姐一齊做司儀,全女班好特別啦,第二就係個舞台,後面個Mon會升高升低,兩邊係好大好高嘅屏幕,我企緊呢個位係一個好大嘅水池,下面會滲水、上面會落雨,仲有個好大型嘅歌舞劇叫《Singing In The Rain》,啲女仔已經排好晒,結果依家都做唔到。」佢又透露今次不惜工本搭建舞台,無奈要報銷,慘蝕7位數:「今年使咗好多錢,超過5、6百萬嘅機械工程,但只能夠報銷,因為全部係為今次準決賽特別整出嚟。」並指現時主要做好決賽,確保所有佳麗驗出「一線」後,便將一眾佳麗集中一起,然後點對點公司、酒店兩邊走,希望25日決賽能順利進行。

曾志偉透露原本港姐準決賽首用全女班主持。
曾志偉透露原本港姐準決賽首用全女班主持。
舞台都精心設計。
舞台都精心設計。
有水池。
有水池。
有升降屏幕。
有升降屏幕。
原本有歌舞劇環節。
原本有歌舞劇環節。
花咗600萬搭建舞台!
花咗600萬搭建舞台!
無奈只能報銷,冇得重用。
無奈只能報銷,冇得重用。
只好寄望做好決賽。
只好寄望做好決賽。