港鐵站平頭男食煙玩電話 網民譏笑:有無搭佢膊頭?

【on.cc東網專訊】繼早前有港鐵車廂出現「煲煙男」,再有人在港鐵車站內邊食煙邊玩電話。事緣有市民昨日(18日)在港鐵東鐵線沙田站,目睹一名坐在月台候車座位的平頭男子,將夾在左手的煙送往右邊嘴,該市民遂拍下連環照片並放上網詢問「沙田站幾時可以食煙㗎?」而有網民則譏笑反問「你有無搭佢膊頭?」

從連環相片所見,該名平頭男子身穿黑色上衣、深綠短褲,某品牌灰白色波鞋邊更放有一個同品牌的紙袋,疑似剛買新鞋,只見他用左手食指及中指夾着一支已點燃的煙,同時以空餘手指及另一隻手使用電話,期間把香煙送向嘴邊後繼續玩電話,男子身處的座位恍惚瞬間變成吸煙區。

有網民留言稱「(食煙)食得幾自然」,亦有人譏笑「邊有火車站唔畀食煙㗎」,亦有網友配合「演出」道「個個火車站都唔畀食㗎啦」,甚至搬出港產電影《流氓師表》在學校外食煙一幕反問發貼者「你有無搭佢膊頭先?正常你唔搭,佢就唔會食」。

港鐵早前曾指出,根據《港鐵附例》第23條,鐵路處所內禁止吸煙,最高處罰為罰款5,000港元,提醒乘客不要在鐵路處所內吸煙。如有乘客發現相關情況,可聯絡港鐵職員作適切跟進。

【更多即時新聞詳情請上東網新聞