湊仔陷崩潰 喊足2粒鐘 楊洛婷怒爆老公不忠 Tim知衰認「攬女」

楊洛婷與Tim向來恩愛,一家4口樂也融融。
楊洛婷與Tim向來恩愛,一家4口樂也融融。

前港姐楊洛婷與歌手老公Tim向來恩愛,但她突然深宵發文,大大隻字寫上:「我老公對我不忠!」隨即惹來網民熱烈討論,紛紛指摘Tim偷食!楊洛婷見群情洶湧極速刪文,澄清一時眼火爆才「玩大咗」,而Tim亦急急耍冧。

楊洛婷與Dear Jane主音Tim(黃天翱)結婚多年,育有女兒Tanya及去年出世的兒子Tristan,一家4口非常幸福!怎料昨日凌晨,楊洛婷突然在社交網限時動態出Post,以英文指控老公背叛:「My husband cheated on me!(我老公對我不忠)」還Tag了老公的社交帳號,雖然不久即刪文,但已引起軒然大波。有網民以「Dear Jane主音Tim偷食」發起討論,吸引不少網民留言,紛紛替楊洛婷不值:「老婆咁正都偷食」、「真係妻不如妾,妾不如偷」,亦有人表示難以置信,以為是愚人節未過。

極速刪文惹揣測

事後楊洛婷澄清只是開玩笑,又自爆因獨自湊仔而喊了足足2個鐘,她說:「相反老公就去咗瞓覺,而且大女仲全晚黐住佢瞓,我眼火爆就出Po講笑。(點解咁急刪文?)老公睇咗話會令人誤會。」而Tim亦幫口解釋:「哎呀!唔好意思!我都係喺凌晨唔覺意攬住咗個女瞓着咗,跟住阿仔無敵大叫,我係老婆都忟啦!所以,老婆,I love you係真㗎!」

Tim轉載楊洛婷的「發火Post」,解釋來龍去脈。
Tim轉載楊洛婷的「發火Post」,解釋來龍去脈。