湯君慈湯君耀鬥踩單車 同聲同氣為血友病人打氣

【星島日報報道】孖仔湯君慈（Bruce）和湯君耀（Chris）向來感情要好，最近就拍住上參與踩單車活動，為血友病病人打氣，還趁機較勁；兩兄弟時而互相取笑、時而同聲同氣，鬼馬精靈！

Bruce和Chris聯同香港血友病會主席林漢威、香港中文大學內科及藥物治療學系名譽臨 副教授王紹明醫生等一同出席《關注血友病•全城為你加油》閉幕活動，並公布是次踩單車活動累積時數與里數的成績，分別為1,749小時及38,460公里。大會更邀請了小病友梁恩陶踩單車進場揭幕；而Bruce和Chris亦獲安排踩單車型仔現身，表揚他們過去8個月為活動作出的貢獻。兄弟二人坦言過往較少關注這個病，但經過今次的活動，對有關方面多了認識，並希望大家會繼續關注及支持病者及家屬。

兩兄弟表示從小到大、由讀書到做運動都在一起，但過往8個月就要分開踩單車，事關Bruce嫌自己膚色太白要在戶外踩，Chris就怕曬黑要踩室內。二人又坦言今次趁機鬥一番，Bruce爆料指：「只限最初 幾個星期，好快Chris就放棄了。」Chris直認兼還擊：「Bruce快過我差不多一倍，佢根本係運動狂，好享受爆汗 感覺。」不過兩兄弟亦意見一致指對今次的成績感滿意，加上寓運動於行善相當有意義，人也更加精神和健康，因此未來也會繼續踩單車這項帶氧運動。Bruce補充：「特別係我為了今個活動專登買 部新單車，冇謂浪費嘛！」

專注經營凍肉店生意

談到工作，他們表示現專注在合力經營的凍肉店生意，因夏天的銷售狀況不及冬天，所以這段時間要加把勁及多投放精神在宣傳方面。問到宣傳方面又是否意見一致？輪到Chris威返次說：「都係 ，但通常都係聽我話，所以冇乜分歧。」此外，正努力學功夫進軍動作演員的Bruce透露近期大多練泰拳及踢腿，笑問有否踢過細佬？兩兄弟今次就玩禮讓，Bruce謂：「咁大個仔唔會打交了！」Chris附和：「君子動口不動手。」Bruce自言講動口就輸畀個細佬；兩兄弟各有強項，明顯誰也不輸誰！ 文：林子棠 圖：羅安強

■大會表揚兩兄弟在過去8個月為活動作出的貢獻。

■原來湯氏兩兄弟踩單車的習慣大有不同。

■Bruce和Chris兩兄弟拍住上，身體力行撐血友病病人。

娛樂