「溝」Aska合唱情歌 炎明熹產量勝菊梓喬 唔志在做一姐

炎明熹人氣持續,工作不斷。
炎明熹人氣持續,工作不斷。

「聲夢人氣王」炎明熹出道一年多,人氣貫通中港兩地,單計今年新歌產量,已比三奪「最受歡迎女歌星」獎的師姐菊梓喬高一倍,可見其得寵程度。被睇好將成為「新任一姐」的她,坦言會繼續加油,但目標不止於此。

炎明熹(Gigi)與同屬聲夢學員的張馳豪(Aska)昨日出席活動,為活動合唱新歌及拍MV。談到她今年已推出4首個人作品,論產量已超越同公司只有2首新歌的師姐菊梓喬,被指升呢成為唱片公司的新一代「一姐」,Gigi即謙稱:「我遠遠不及,但會繼續加油。(想唔想做一姐?)係其中一個目標,但順其自然,我有比做一姐更遠嘅目標,就係做一位歌星。」Aska則笑言不用做「一哥」:「想做唱作歌手,有機會唱畀大家聽,係我哋聲夢歌手嘅目標。」

問Gigi有否考慮與Aska組成螢幕情侶合唱情歌?她表示大家身高相近可作新嘗試,不擔心有代溝,更玩「拆」字大拋金句:「代溝個溝字3點水,所以係要溝通,水就通囉!」即將迎接新學年的她表示已完成暑期功課,亦預備好心態做好學生榜樣。

收入多咗「3個0」

現時工作不斷的她透露一直有儲蓄習慣:「會將利是錢儲起,依家賺到錢都會儲起。」她指以往會叫家人幫忙點算利是錢,因怕自己計錯數。問到現時收入全放入銀行,是否毋須花時間數銀紙?她即笑言要問經理人:「好似多咗3個0。」說罷突然數手指,當數到1億時便搞笑說:「我1億都冇,得一個零!」

炎明熹笑言與Aska身高相近,可組「情侶檔」唱情歌。
炎明熹笑言與Aska身高相近,可組「情侶檔」唱情歌。