演問題學生嗌緊張 炎明熹談親熱戲 大賣關子

【星島日報報道】TVB青春歌舞劇《青春本我》昨日舉行拜神儀式，一班「聲夢」學員炎明熹（Gigi）、鍾柔美（Yumi）、姚焯菲（Chantel）及冼靖峰（Archie）等齊齊以學生look打扮現身，而TVB高層曾志偉、何麗全等都有到場支持。大會更即場宣布Gigi推出的首張單曲《真話的清高》榮登熱唱榜第一位，大家齊聲祝賀她。

文：鄺芷瑩 圖：羅安強

Gigi表示與一眾「聲夢」學員在劇中分別扮演心理有問題的學生，首度拍劇的她嗌心情好緊張，當中會有喊戲，但導演很好、會幫助她，相信好容易入戲，她說：「唱歌易過拍戲，唱歌比較多、拍戲少，相信要畀多 時間。」問到可有親熱戲？Gigi大賣關子表示要留意播映，Chantel則謂年紀尚輕，不會有這類情節。

Chantel演返自己

提到早前Gigi接受鄭裕玲（Do姐）訪問，獲Do姐大讚她適合娛樂圈工作，她說：「多謝Do姐，我覺得她好好人，訪問之中好照顧我。」提到被指外貌及髮型似足大熱韓劇《魷魚遊戲》中的木頭人，Gigi笑言自覺髮型齊蔭和眼睛最為相似，又指就算被指似卡通人物野口同學，都是因為髮型關係。

同樣是首次拍劇的Chantel，坦言今次角色貼近自己，亦不擔心拍戲會影響學業，因為每日放學都會做齊功課，大多周末才會拍劇，不過將會有個新功課要做，由於畫功不叻，所以擔心不及格。

Yumi被爆勁NG

Yumi和Archie在戲中均扮演學生，雖則Yumi是童星出身，但Archie大爆對方演出時勁NG。Yumi即解釋謂剛開始為該劇拍攝，未習慣面對鏡頭，加上要演繹情緒戲，並且太專注，沒數過NG咗幾多次。至於演戲零經驗的Archie就覺得演群戲時最有難度，但由於少對白，所以不會太多NG，他說：「有啲角色導演會用番我哋本身個人嘅設定差唔多，反而有啲就會顛倒！我個角色就唔講得住！」身穿校服的他笑言不會不習慣，因為只是4、5年無著過。

■Gigi、Chantel齊 校服現身，青春無敵。

■志偉同一班妹妹睇手相。

■曾志偉、何麗全等高層到場力撐。

■Archie大爆Yumi拍戲時勁NG。

■Chantel自言年紀太細未有感情戲，Gigi就大賣關子叫觀眾留意播映。

■青春歌舞劇《青春本我》舉行拜神儀式。

■眾人宣傳新劇之餘，更祝賀Gigi首張單曲榮登熱唱榜首。

娛樂

睇更多