演活大賊︱「大師兄」徐忠信離世 享年70歲

演活大賊︱「大師兄」徐忠信離世 享年70歲
演活大賊︱「大師兄」徐忠信離世 享年70歲

武打演員及武術指導,在行內有「大師兄」之稱的徐忠信,演過無數港產片,今日有電影人在社交網公布其死訊,享年70歲,並以「香港動作片失去一位重要的人」來形容他過往的貢獻。

對於徐忠信的離世,錢嘉樂接受東網訪問時相當傷心,不時嘆氣,他謂:「佢係我哋公會(香港動作特技演員公會)副會長,我下午接到電話,一路都派緊手足去醫院同佢家人接觸,上個星期我先同茶敍、開會,諗住搞春茗啲嘢,依家我哋同佢家人聯絡緊,我哋個會一定會支持,睇吓佢屋企人有咩要幫手。」

資深電影人田啟文受訪指徐忠信走得很突然:「今朝早佢一對仔女見佢冇乜點出聲,走去拍佢,發現完全冇反應,之後報警送咗入急症室搶救,打咗好多支強心針,但都一路冇反應,大約今日一點左右,宣布佢死亡,由於走得太突然,佢屋企人都唔知乜嘢事,亦唔知佢心臟有事。」田啟文指認識了對方約30年,初認識都被對方的惡樣嚇親:「以前見到佢個樣會有啲驚,後尾熟咗、知道佢為人率直,並且不時會為行業發聲,係好好先生。」

徐忠信於1960年代入行,1970年代開始長期在無綫劇集和電影作品中擔任武術指導工作。他演出的角色多以大賊、社團頭目以及武林高手為主。

享年70歲!
享年70歲!
飾演大賊出名!
飾演大賊出名!
徐忠信係香港動作特技演員公會副會長。
徐忠信係香港動作特技演員公會副會長。
田啟文
田啟文