潘靜文節食扮靚迎戰「第一次」

文凱婷(左起)、潘靜文及林君蓮都希望能嘗試不同曲風!
文凱婷(左起)、潘靜文及林君蓮都希望能嘗試不同曲風!

無綫和港台首度合辦的《香港金曲頒獎典禮2021/2022》將於本周日舉行,昨日兩台率先公布「香港金曲榮譽大獎」得主是音樂大師鮑比達,無綫「TMG」總裁何麗全及一班新生代歌手包括潘靜文、林君蓮、文凱婷、李妍等現身支持。鮑比達致詞時表示全因爸爸當年的一句話,令他至今仍保持一團火,坦言仍想為香港樂壇做多點:「做得幾多得幾多」。

幾位到場歌手潘靜文、林君蓮及文凱婷都表示若有機會也希望能與前輩合作,嘗試不同曲風。談到近期工作,潘靜文表示剛錄新歌:「等緊拍MV,好想靚啲,諗緊要節食,話晒係人生第一個,亦可能係最後一個MV嘛,哈哈!」身旁的文凱婷即表示比她更嚴重,指早前到馬來西亞一星期,每天不停食,回港後重了十多磅,她說:「乜都食,我嚟緊都會拍MV,依家不停做運動,其實上年今日就係我哋《聲夢》總決賽,啱啱睇番啲片發現我哋個個都好瘦,好懷念個身形。」