澳洲旅遊|澳洲真係有「澳牛」?悉尼餐廳主打無禮貌大受歡迎
講起「澳牛」相信大家都耳熟能詳,最為人津津樂道係呢間位於佐敦嘅餐廳完全無服務可言,客人可以話係用錢買難受。
而近日澳洲悉尼就有一間名為「Karen’s Diner」餐廳,主打全餐廳侍應都清一色無禮貌,竟然大受歡迎!基本上由入座開始至進餐後離開,侍應都係目無表情、十問九唔應,萬一有客人忍唔住大聲斥責侍應,佢哋仲會以相同方法還擊,甚至請客人離開。經理Mitch表示「餐廳大受歡迎表示人類本身真係有M底!」原本餐廳只屬快閃形式開店,但由於食客眾多令媒體爭相報道,迅速於墨爾本及布里斯本都開設分店,目前仲計劃於英國曼徹斯特及伯明罕開設海外分店,認真巴閉!
不過餐廳一樣有禁忌,Mitch話同員工們約法三章,有關殘疾人士或種族歧視等玩笑一律唔可以講,其他幾乎無任何限制,所以真係有興趣嘅朋友真係要有強大意志先好去呢!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: