炎明熹接Job唔知價 姚焯菲趕住追功課

Gigi、Yumi及Chantel對於組女團表示不清楚。
Gigi、Yumi及Chantel對於組女團表示不清楚。

「聲夢三美」炎明熹(Gigi)、姚焯菲(Chantel)及鍾柔美(Yumi)首獲邀為品牌站台。談到有機會組女團,Gigi謙稱要向人氣男團MIRROR學習,Chantel則表示要追番功課進度。

Gigi、Chantel及Yumi昨午現身中環為品牌宣傳,3人異口同聲表示不清楚活動酬勞,交由公司處理。談到有傳獲唱片公司賞識收歸組成女團,Chantel說:「唔清楚,依家忙追番啲功課,同埋8月嘅演唱會。」Yumi亦表示不清楚:「順其自然啦!」問到偏向想單飛發展或組團?Gigi說:「兩樣嘢各有各經驗,組團一齊會開心啲,但單飛學到另一啲嘢。(話用你哋撼MIRROR?)佢哋係前輩,要跟佢哋學習,冇話對撼嘅。」

至於無綫有意開拍青春劇,讓15位學員參演一展演戲潛能,她們同樣表示未知詳情。Chantel認為唱歌與拍劇可雙線發展:「我哋咁細個,但唱歌需要有感情,如果拍劇攞到啲經驗,相信會有幫助。」

鍾柔美升中四想讀商科

問到如今正式出道,可擔心影響日後學業?Yumi坦言剛參加比賽時的確受影響,但已慢慢適應,目前學業成績尚可。Chantel表示不擔心成績,會兩邊兼顧。Gigi則坦言成績一向麻麻,自從參賽後覺得要勤力趕上同學,成績反而超前。

暑假過後,Yumi及Chantel將升讀中四,她們同聲希望修讀商科。升中五的Gigi不認為重返校園會變風頭躉:「唔覺得參加咗比賽好犀利,喺學校要尊重自己學生嘅身份。(同學恭喜你?)同我好好嗰幾個有問需唔需要慶祝。(計劃返內地探父母?)睇公司安排。」

另外,姚父被爆購入2,000萬豪宅,Chantel說:「只係爸爸嘅投資,其他嘢我唔清楚。」

Chantel拍照時,Gigi與Yumi密密斟。
Chantel拍照時,Gigi與Yumi密密斟。