炎明熹考慮北上升大學 傳將缺席TVB萬千星輝頒獎典禮 After Class面臨解散？

姚焯菲（Chantel）日前透露計劃到紐西蘭讀書，仲表示自己對時裝及Business有較大興趣，未知幾時起行但承諾走之前一定會公布。當大家以為After Class會三缺一之際，原來另一成員炎明熹（Gigi）都有意赴內地升讀大學，After Class隨時名存實亡？

炎明熹早前接受內地媒體訪問時表示，由於而家正修讀中六，所以考慮過好多唔同嘅大學，包括廣東或廣州，並希望選讀時裝設計或音樂科目，待將來有機會幫自己設計衫上台或者襯衫，而讀音樂就希望可以再鞏固同埋知多啲音樂上嘅知識。照咁睇嚟炎明熹都大有機會到內地升學，變相TVB將會一連失兩名愛將？而TVB其實於任暟晴（Jasmine）奪得《聲夢傳奇2》冠軍後，已隨即力捧呢位「傳奇新星」，任暟晴奪冠後6日即為處女作《Breath Away》錄歌，作品仲係由Eric Kwok郭偉亮及Hanjin陳奐仁度身打造，比起上屆冠軍炎明熹更加快；其後又安排任暟晴於《歡樂滿東華2022》與曾比特合唱，曝光機會逐漸增多，有望成為下一個炎明熹。

至於，去年赴內地參加音樂節目《聲生不息》而打開內地市場嘅炎明熹近日就於內地錄製《2023灣區春晚》，與周柏豪合唱。有指，雖然炎明熹有份提名角逐本周日（8日）舉行嘅《萬千星輝頒獎典禮2022》「飛躍進步女藝員」及「最受歡迎電視歌曲」獎項，但會因錄製內地節目而缺席頒獎禮。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！