《無可避免》勾中學回憶 MC搞到Tim勁無奈

MC在台上攬實Tim。
MC在台上攬實Tim。

樂隊Dear Jane一連3場演唱會前晚假西九舉行第二場,請得MC張天賦擔任嘉賓合唱《無可避免》,MC笑謂是晚是來「面試」,而Tim則說誠邀他任嘉賓全是其開心果的性格:「成日都有好多Energy。」MC又指《無》是其中學生時的回憶,Tim聞言無奈笑說:「中學……我同大家講,我搵佢嗰陣,我一早估到會揀呢隻歌,呢首OK,唔使練。」MC即狂笑重申不是輕佻,而是熟悉此歌。

首場演唱會,Tim的寶貝女疑似發燒,臨開騷前要回家,但經過一晚休息後,前晚再跟媽咪捧場兼且精力無窮,Tim更獻唱《Find My Way》送給太太及走向妻女揮手和派心心。