無綫J2台變陣 方力申講鬼古 撼MIRROR真人騷

無綫今年在綜藝節目大放異彩，面對ViuTV今晚首播人氣男團MIRROR的真人騷，隨即變陣，將方力申在收費頻道推出、大受歡迎的鬼古節目，改在年輕觀眾追捧的J2台迎戰，再次正面交鋒！

ViuTV真人騷《調教你MIRROR》讓「鏡粉」引頸以待，節目以12子大爆內幕、在鏡頭前深情剖白作賣點，雖然ViuTV在收視方面難跟無綫匹敵，但無綫亦嚴陣以待！方力申（小方）與當奴主持的《鬼上你架車》，本來只在收費頻道myTV SUPER播放，如今改為今晚11時在J2播出，跟《調》撼到正。被無綫派出迎戰的小方昨晚表示覺得光榮，公司調動能讓觀眾有更多選擇。對於收視之爭，他笑言不擔心：「我係運動員，屢敗屢戰。」並指節目受歡迎，公司準備開拍第2輯。另外，他將於11月率領母校聖若瑟書院的師弟妹，再度挑戰45公里慈善環島游，昨日他出席另一活動時坦言最擔心個人狀態，因之後要到日本採訪奧運，前後共「消失」兩個月：「對游水運動員嚟講，兩個月冇練水，就要用番4個月嘅時間去重拾水感。」

姜濤肥腫難分

至於MIRROR出席記者會為節目造勢，成員Edan則因工作缺席。經理人花姐指12子進入反叛期，開始有主見、意見不合，只好找外人梁祖堯出面調教。MIRROR坦言成員之間經過拍攝後更加了解彼此，學識用溝通解決問題。唯一睇過「製成品」的姜濤，自爆曾哀求花姐剪走部分片段：「睇到入面嘅我都嚇親！食到勁肥，有啲絕望嘅感覺。」Jer即踩多腳：「見佢連續食咗3、4包薯片！」Stanley更取笑姜濤肥腫難分！

談到成員之間的芥蒂，AK坦言來自缺乏溝通，導致有小誤會產生，花姐亦表示︰「大家發展唔同，有比較之下，內心一定有少少唔舒服，但搞到只係得番工作關係而冇交流，MIRROR只會散，但拍完呢個節目，佢哋變得好真。」