熱天拍古裝零胃口 朱智賢2星期瘦5磅 咪咪冇縮水

朱智賢專登以Cool爆表情拍寫真,希望讓粉絲看見她型格一面。
朱智賢專登以Cool爆表情拍寫真,希望讓粉絲看見她型格一面。

久未性感示人的朱智賢趁身材弗爆之時留倩影,分別穿上Lace薄紗上衣及晚裝,大騷32C「咪咪」!正趕拍賀歲劇的她每日於炎熱天氣下開工,2星期激瘦5磅,慶幸上圍沒有縮水!

無綫女星朱智賢日前找來攝影師拍性感照片留倩影,向來喜歡運動的她身形弗爆,於沙灘拍攝一輯極具女性美的照片。穿Lace薄紗上衣的她大晒32C豐滿上圍,見其表情帶點淒美,意態撩人。另一輯照片中,她穿着白色低胸晚裝裙上陣,拿着雨傘在雨中穿梭馬路,以型格一面示人,另有一番味道。

朱智賢受訪時表示照片是開劇前找朋友操刀拍攝:「本身影嗰陣唔係呢個感覺,但嗰日咁啱落雨,所以影出嚟效果唔同咗。」提到向來喜歡笑的她以Cool爆一面示人,她笑言:「係呀!通常影相我都會笑,但今次佢哋想我轉吓感覺,所以都好唔習慣。」她指對上一次性感是2019年初到芬蘭為無綫拍旅遊節目《3日2夜》。

「帶多套內衣褲更換」

現時忙拍賀歲劇《黃金萬両》的她要穿古裝戲服,笑言每日都全身濕透:「我本身唔係大汗嘅人,但今次啲汗係流到落小腿,每日都要帶多套內衣褲去更換。放飯時我要換番便服,除低啲戲服吹番乾先再着,真係好誇張!我成世人未試過一日飲2公升水,依家每日係飲超過2公升,每日不停排毒好健康。」又指因為太熱,令她胃口大減,拍攝2星期已激瘦5磅:「啲朋友都話我瘦咗,依家唔會有水腫,夜晚仲試過瞓覺熱醒咗,可能未散晒熱。其實我啲新陳代謝好快,3個鐘頭就要食一次嘢,但依家熱到唔想食嘢同講嘢。」談到她與江嘉敏、麥美恩合作,是否很嘈?她笑言:「嘈㗎!不過係喺我哋唔曬唔熱嘅時候先嘈,因為大家都想慳番啖氣。」

忙拍古裝劇的朱智賢,每日要飲超過2公升水。
忙拍古裝劇的朱智賢,每日要飲超過2公升水。