獨家消息：挑戰吳孟達周星馳經典 黎耀祥羅天宇「父子檔」玩大小不良

黎耀祥與羅天宇從未合作，但兩人即將於新劇上演當年周星馳與吳孟達大小不良父子檔，向來好戲的祥仔指甚有挑戰，至於羅天宇更要演廚師，拍時穿背心拋鑊騷肌示人。

視帝黎耀祥4月將返無綫接拍監製方駿釗的新劇《父離子風暴》，劇中除了跟好戲之人關禮傑、郭少芸及康華等大鬥演技外，更首次與羅天宇、陳嘉慧飾演父子、父女。祥仔與天宇上演「大小不良」父子檔，就如當年周星馳與吳孟達般的搞笑拍檔，於激烈的倫理劇情中增添喜感。關禮傑劇中飾演有錢人，既自卑又自大，與祥仔甚多爭鬥戲。

現時身在內地工作的祥仔受訪時謙稱是一大挑戰，他謂：「我聽咗角色，都要摸索吓，今次戲劇性較濃，發現個仔原來唔係自己親生，我同關禮傑有好多爭鬥戲份，同佢都好耐冇合作，羅天宇、陳嘉慧就直情未合作過，全新配搭希望好玩啦！」

向來多演木訥、帥氣角色的羅天宇今次亦甚有挑戰，劇中的他性格佻脫、活潑，更首嘗演廚師，天宇受訪時坦言未曾跟祥仔、嘉慧合作，故相當期待。劇中他經常入廚房，拍攝時又是夏天，故他不時要穿背心上陣，順便騷肌示人，監製已下令他減磅。為了配合角色，他正練刀功、拋鑊，他謂：「一路都好想同祥哥合作，終於有機會，今次造型同身形上想有啲轉變，好多廚藝上嘅嘢都要學習一下先。」

「囡囡」陳嘉慧學嘢

至於陳嘉慧飾演祥仔女兒，坦言看見名單已相當興奮：「因為有黎耀祥、郭少芸同關禮傑呢啲以前細個成日喺電視見到嘅前輩，監製都叫我要把握機會學嘢。」劇中讀醫科一心想做醫生的她後來搞出姊弟戀，會與新人涂毓麟有感情線，她說：「不論劇內劇外我都係大過佢，現實中我哋相差2歲，但劇入面就相差5年。」