王敏奕嘲吊高嚟賣 黃宗澤保護「家嫂」 冇得親熱

黃宗澤與王敏奕在《法證先鋒V》演一對，他笑言劇中啟動了「國防級家嫂保護機制」，兩人沒有激情戲，連拖手仔也欠奉，對「家嫂」愛護有加！

黃宗澤（Bosco）、袁偉豪、蔡思貝、王敏奕及蔡潔等，昨日在將軍澳電視城出席台慶劇《法證先鋒V》記者會。敏奕身為TVB總經理曾志偉的新抱，Bosco笑言拍攝時對「家嫂」照顧有加，劇中沒有激情戲，敏奕笑說：「關咩事？係佢喺劇入面吊高嚟賣！」他笑言今次簡直是「國防級家嫂保護機制」，要去到最後一集2人才走在一起。

講到第二次合作，Bosco讚拍檔大有進步，比起拍攝《飛虎之潛行極戰》時沒那麼驚青，敏奕反擊笑說：「我容易緊張，又對住呢啲前輩，佢套《戀愛自由式》，我中學都有睇㗎！」

講到拍攝，Bosco表示最初收到劇本得知要在特技綠幕前拍攝水底戲，不禁爆粗，因為覺得很難拍得好：「要吊住威吔拍游水都幾難，但係出嚟效果又幾好，條腰就好大負荷，好彩冇事，仲係好腰、好腎、好男人！」在旁的敏奕立即面紅爆笑，笑說：「聽到你條腰冇事，戥你開心啫！」

蔡思貝墳場野餐談情

至於蔡思貝劇中屬於愛情擔當，與袁偉豪談情說愛，既在貨櫃上曬月光，又到墳場野餐，亦有咀戲，她笑言是劇中最舒服的角色。講到近期在社交網上載性感晚裝照大解放，她自覺不算性感。而演法醫的蔡潔劇中有6條感情線，但笑言沒有親熱戲。對於能成為法證「鐵三角」之一，她事前做足功課，問到可擔心與歷代「法醫」張可頤、李施嬅等作比較？她說：「唔怕，因為冇得比，佢哋勁好多。」