生日雙喜臨門 陳慧嫻加盟英皇 劉雅瑟爭做個唱嘉賓

「凍齡歌后」陳慧嫻趁生日宣布加盟英皇大家庭，謝霆鋒、古巨基等群星拍片歡迎她。早已是樂壇「神級」輩的慧嫻對轉會費大感滿意，期待與「新生代」天后容祖兒合作。

本報早前率先爆陳慧嫻將由環球唱片過檔英皇娛樂，昨日是其牛一，她藉着這喜慶日子正式公布喜訊，英皇旗下的容祖兒、謝霆鋒、任達華、惠英紅、Twins、李克勤、古巨基等齊齊拍片祝賀。慧嫻對加入這大家庭感覺榮幸，談到「轉會費」，她笑說：「數字就唔講啦！總之開心滿意啦！」又表示很期待與相識多年的克勤及祖兒合作：「唔只合唱，係合作喎！我同克勤以前同一公司，但咁多年嚟從來冇機會合作，希望同佢搞吓花臣。」而祖兒在她眼中屬新生代，希望合作玩吓。

細細聲教養聲

一班同門對慧嫻加盟非常雀躍，拍片隔空互動，愛滑水的關智斌表示想跟她玩Wakesurf，她爽快答應，但搞笑說：「你要教識我游水先！」Twins與許靖韻則對其扮靚心得感興趣，她自爆過去2年沒有添置新衣服，反而「變心」收藏水晶手鏈，又說：「唔化妝嘅時候，我會用橙紅色唇膏，睇起嚟精神啲。」而洪卓立及楊天宇請教養聲心得，她說：「飲多啲水、瞓多啲覺、做吓運動、保持心境開朗正面。」然後幽默地細聲說：「仲有就係唔好咁大聲講嘢呀！陰聲細氣，唔好嗌傷把聲。」

出爐金像影后劉雅瑟當年參加音樂選秀節目出身，直言希望在演唱會上跟慧嫻合唱《跳舞街》，並即席唱了一小段，慧嫻開心說：「演唱會就梗係會開啦！不過我哋要揀個吉時同合適嘅時間，希望可以同歌迷一齊唱。」