【留英資訊】居英生活小幫手 7個不得不下載的實用app

【留英資訊】居英生活小幫手 7個不得不下載的實用app (alatintm @tumblr)
【留英資訊】居英生活小幫手 7個不得不下載的實用app (alatintm @tumblr)

英國宣布允許持BNO的香港人及其家屬可居留英國,令唔少人心郁郁計劃移民英國。移民要考慮及安排的事情繁多,出發前要安排好住屋、金錢的問題,到埗又要煩搵工,甚至怕無法融入社區等問題。事實上,坊間有唔少有用app可以幫到大家搜集留英資訊,今次我地分享7個有用app,當中包括房地產、天氣、搵工、交通等範疇,出發前記得下載啦。

房地產app: RightmoveSpareroom

英國租屋並不困難,坊間有好多房地產app幫大家搵屋,常用的apps有Rightmove以及Spareroom,前者係英國最大物業和租屋網的手機App,輸入搜尋條件就可以有齊照片、房屋規格、可入往日期等等資料。後者主要找分租房間,還可以在這裡找合租的室友。但要留意熱門地區和受歡迎類型的租盤都非常搶手,大家睇啱就要及早出手。

房地產app: Rightmove
房地產app: Rightmove
房地產app: Spareroom
房地產app: Spareroom

搵工app - JobTodayRota

去到英國,英文唔夠當地人流利,搵工相對比較難。但眼見積蓄每日遞減,都想搵份Part-time幫補下。英國散工工種很多,好似侍應、倉務員、酒店接待員等,入職要求都唔算好高,建議大家下載不同的兼職apps,好似JobToday或Rota,前者涵蓋較多工種,後者以餐飲類兼職或散工為主,最快幾日就可以搵到工作,非常方便。

搵工app - JobToday
搵工app - JobToday
搵工app - Rota
搵工app - Rota

搵食app - OpenTable

搵食app - OpenTable
搵食app - OpenTable

App內裡有過萬間餐廳,平民餐廳到米芝蓮餐廳都有,唔單止英國,就連許多國家如美國、澳洲、墨西哥等都有餐廳推介。用戶只要輸入地點,就會顯示鄰近餐廳、其資料及食客評論。app不時都會同餐廳合作提供獨家優惠,只要透過app訂位,即有額外優惠或coupon,類似香港的Openrice,係搵食好幫手。

社區專用app- Next door

社區專用app- Next door
社區專用app- Next door

App志在增加社區鄰居間的溝通與互動,提供平台比用戶交換實用資訊,可以話係社區專用 Facebook。內裡會有社區詳細地圖,亦會顯示該區治安資訊,比大家更了解該區的情況。為了增加用戶的真確性,app採用嚴格的實名註冊制,用電話或GPS登記,更會寄送名信片、打電話來驗證用戶身份。

交通app- City Mapper

交通app- City Mapper
交通app- City Mapper

City Mapper提供世界各大城市的交通資訊,當中包括英國。app提供點到點路線建議,除了顯示車程,還能計算出地鐵或公車所需要支付的票價,絕對係居英的盲公竹!

天氣app- met office

天氣app- met office
天氣app- met office

英國氣溫出名變幻莫測,隨時一日經歷四季,大家出門口前必睇呢個英國天文台app。內裡可睇到身處位置的天氣情況,更會顯示體感溫度,讓用戶更清楚溫度變化。