疑似被陳楨怡收兵 「港版李敏鎬」周子揚係西貢地王之子 同何傲兒分手反晒面

疑似被陳楨怡收兵 「港版李敏鎬」周子揚係西貢地王之子 同何傲兒分手反晒面
疑似被陳楨怡收兵 「港版李敏鎬」周子揚係西貢地王之子 同何傲兒分手反晒面
疑似被陳楨怡收兵 「港版李敏鎬」周子揚係西貢地王之子 同何傲兒分手反晒面

今日有報導話2020年港姐亞軍陳楨怡(Celina)疑似一腳踏兩船,對傳媒表示有信心同圈外男友、戴祖儀前度Andy白頭到老,但係Celina被爆同曾經加入TVB嘅周子揚拍拖年半,仲有一齊食日本菜同滑水嘅親密照流出。周子揚對傳媒承認Celina係女友,自己係「正印」,又話女友同Andy分咗手。不過Celina回應「同周子揚係認識嘅朋友」,令周子揚疑似做咗女神兵仔!

家境唔錯嘅周子揚,本身外型條件唔錯,但係戀情冇段長仲「火羅」事連連,搞咩?!

疑似被陳楨怡收兵 「港版李敏鎬」周子揚係西貢地王之子 同何傲兒分手反晒面
疑似被陳楨怡收兵 「港版李敏鎬」周子揚係西貢地王之子 同何傲兒分手反晒面

今年37歲嘅周子揚,父親係人稱「西貢地王」嘅商人周業德,據講喺該區擁有多個物業,市值合共過億。唔憂兩餐嘅周子揚喺美國讀音樂,2009年正式出道加入樂壇,外型高大靚仔,曾被稱為「翻版王力宏」同「港版李敏鎬」,不過成績未見突出。2011年約滿後轉投TVB,但係演閒角居多,本來有機會演《衝上雲霄II》做陳法拉嘅見習機師同學,可惜因為割包皮而請假辭演,又試過被同劇嘅何雁詩「揞名爆」係NG王!

疑似被陳楨怡收兵 「港版李敏鎬」周子揚係西貢地王之子 同何傲兒分手反晒面
疑似被陳楨怡收兵 「港版李敏鎬」周子揚係西貢地王之子 同何傲兒分手反晒面

周子揚入TVB4年最大得著可能係識到何傲兒(現名何天兒)。2014年中,被指同富商林建名發展爺孫戀嘅何傲兒,轉個頭就被傳媒影到同周子揚行街拍拖兼咀咀。點知無耐何傲兒以「感情未ready,唔會再繼續下去。」單方面宣告分手,戀情14日玩完,周子揚同傳媒講起仲喊晒口。但係有傳佢地轉為地下情,甚至一齊去韓國,可惜拍拖年半後分手。「兒子戀」分手同樣搞出新聞,周子揚受訪時大爆何傲兒家姐何傲芝問佢拎每月六位數字生活費,又暗示何父俾壓力阻止,結果何氏姊妹同周子揚互相發律師信指對方言論失實。同何傲兒分手後,周子揚曾經被傳媒影到同疑似內地女子喺中環食麵拍拖。

疑似被陳楨怡收兵 「港版李敏鎬」周子揚係西貢地王之子 同何傲兒分手反晒面
疑似被陳楨怡收兵 「港版李敏鎬」周子揚係西貢地王之子 同何傲兒分手反晒面

離開TVB後周子揚曾經北上發展,同時又進軍金融界,近年創業發展手機應用程式,向才俊之路進發,點知因為一單緋聞又試被捲入娛樂版。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!