疑借籃球紀念已故好友錢國偉 鄭伊健個唱尾場感觸眼濕濕

【星島日報報道】一連九場《HERE & NOW鄭伊健演唱會2022》前晚於紅館演出尾場，伊健一度感觸眼濕濕，舞台更放置一個印有「Wilson」的籃球，當臨近尾聲時，他更抱 籃球落台，此舉似是為紀念已故好友錢國偉（Wilson），伊健卻不願多加解釋。

文：黃佩麗、圖：孔志豪

演唱會獲馮德倫與舒淇夫婦、劉偉強、釗峰、錢嘉樂、湯盈盈、馮允謙等到場支持，伊健全晚帶來多首快歌，跳舞更跳到身水身汗，看到觀眾為他熱烈歡呼，也一度忍不住感觸到眼濕濕。而舞台上擺有道具汽車，旁邊放有一個印有「Wilson」的籃球，未知是否紀念已故好友錢國偉，在尾聲唱完《我的歌》後，伊健就帶 籃球齊齊落台。在Encore環節，伊健為大家送上小驚喜，穿上Roller鞋邊滑邊唱出《陪你飛》和《你的我》，笑言是自肥計畫，要逼大家看他想做的事，觀眾當然看到拍爛手掌，他又公開感謝家人和太太蒙嘉慧的支持。在第二次Encore時，伊健感觸解釋決定開演唱會的原因。「這幾年見到大家戴口罩，臉上無乜表情，對眼好似睇唔到 ，唔知身邊發生咩事，覺得好難受……」未說完已激動到要轉身平復心情，又語帶哽咽表示要冷靜一下，其後他續說：「以前唔係咁，大家會打招呼，有講有笑，於是我想自己有咩可以做，我係一個藝人，一係唱歌一係拍戲，既然陳光榮的作品可以打動大家，就開演唱會，希望今晚之後，戴口罩只係軀殼，只要內在無變就可以，其實人與人之間需要溝通，這是我一番小小心意，希望大家聽得懂。」最後以一曲《可樂》為演唱會畫上句號。

籌備多時不忘自肥

伊健被問到來到最後一場是否特別感觸？他表示大家為演唱會籌備多時，完結時會有不捨是正常事，又說現在最想做的事是休息，問他踩Roller環節練了多久？他笑說：「小時候有玩過，今日先 出來試，其實個台的設計唔係做呢 ，後來試過可以就試下。」對於有觀眾在演唱會叫他除衫，問他下次開騷可會考慮？他反問點解要除，「我從來無除過衫。（你跳到成身汗，白色衫都變透視。）我睇唔到，咁咪好睇過除衫。」至於台上的Wilson籃球，伊健就避談是否與錢國偉有關，只謂籃球是自己買，是舞台陳設，指現在想打籃球，問到當中是否有回憶？他說：「唔係，唔好想太多。（不關Wilson事？）你咁問，走啦，bye bye！」

■個唱來到最後一場，伊健甚是不捨。

■火烈熱舞，伊健跳至身水身汗。

■伊健走近粉絲，即引來哄動。

■伊健激動得一度哽咽。

■伊健笑言要逼大家睇佢踩Roller。

■馮德倫與舒淇夫婦、錢嘉樂與湯盈盈夫婦及劉偉強到場支持。

■伊健抱 印有「Wilson」的籃球，令人聯想到其好友錢國偉（Wilson）。

娛樂