疫情下女星繼續晒身材 Deep V雅曼達惡鬥中空Zendaya

【星島日報報道】今年奧斯卡頒獎禮雖然受到疫情影響,需分散人流,場面自然不夠以往熱鬧,但仍阻擋不了眾星在紅地氈上爭妍鬥麗的決心!大家依然各出奇謀晒身材,有人玩大deep V,亦有人玩中空露肉,務求成為全場焦點!

文:外娛組 圖:路透社、美聯社

Deep V黨

Maria Bakalova

雖然Maria爭女配角獎就輸了給尹汝貞,但她卻以這襲白色Louis Vuitton公主裙在紅地氈上扳回一城!上身那落到近肚臍位的大deep V性感養眼,下身的雪紡裙襬又有浪漫童話feel,超正!

雅曼達施菲

雅曼達今次選穿了Armani Prive紅色雪紡晚裝,搭配Forevermark首飾,一身櫻桃艷紅映襯得她更加膚光勝雪,再加個性感大deep V,真係想唔望實佢都幾難!

Regina King

Regina身穿Louis Vuitton銀藍色低V晚裝現身紅地氈,雖然個V就唔係太deep,但銀藍色satin布料再繡上62000塊珠片和4000顆水晶,真係閃到發光,那誇張的銀翼袖設計更是台型十足!

中空派

Zendaya

貴為新一代fashion icon,Zendaya當然會出絕招!一身熒光黃Valentino Couture晚裝已起到「鮮色奪人」之作用,再加埋中間挖空露出小麥色肌膚,更是誘人!

嘉莉慕萊根

嘉莉今次輸了個影后獎,但一身Valentino Couture金色中空晚裝都已經幫她搶番唔少鏡頭。看她那黃金女神的氣勢,直頭就係大殺三方!

Vanessa Kirby

Vanessa畢竟曾在《王冠》中演活年輕版瑪嘉烈公主,這次現身奧斯卡亦自帶公主氣場,一身淡粉紅Gucci晚裝,清新優雅又貴氣逼人。

跌Watt系

瑪歌羅比

以往出事率唔算高的瑪歌,這次選穿了Chanel銀灰色花瓣圖案吊帶裙,細看造工其實相當精緻,可惜她卻襯了個超隨意的鬆散束辮髮型,搞到成個look頓變「屋 師奶 住睡衣落街買消夜」咁款。

荷爾芭莉

性感女神荷爾繼去年的驚嚇爆炸頭後,今年再以鬼娃娃齊蔭頭震驚全場。再襯埋前面好似縛住幾個垃圾膠袋的Dolce & Gabbana淺紫色晚裝,真係嚇出一身冷汗!

最震撼Accessories

黃金洞洞鞋

音樂人Questlove可能嫌全黑打扮太低調,於是襯了一對金光閃閃的洞洞鞋,但穿 有點爛撻撻的洞洞鞋行紅地氈已經好出事,就算揀對金色都救唔番囉!

心臟手拿包

女歌手Celeste Waite以全身Gucci登場,本來一身裝扮尚算中規中矩,但一睇到她手上的心臟形手拿包就忍唔住暈一暈,畢竟其造型實在逼真到嚇親人嘛!

外娛