英女皇國葬丨白金漢宮仍在大維修 查理斯登基國王仲未知住邊?
英女皇國葬將於19號舉行,新任英國國王登基成為查理斯三世。作為英女皇住家嘅白金漢宮目前亦正式易主成為查理斯三世辦工地點,不過另一傳媒關注問題係查理斯三世會否入住白金漢宮還是只係用作約工作用途呢?原來白金漢宮自2016年開始進行重大維修工程,畢竟已有60多年歷史,宮內好多設備早已老化,例如電線及水管等都要重新鋪設,整項工程將動用4億英鎊,預計要用10年時間。
換言之目前白金漢宮好多地方都正維修當中,可以供查理斯三世居住嘅空間並唔多。另外查理斯本身一直居住嘅克萊倫斯宮就因為查理斯繼位而遷出,當中數十位員工已經收到大信封被辭退,包括查理斯嘅前私人秘書、財務辦公室員工、公關團隊等,由於王子變成國王,所以好多舊有工作已經轉改為王宮團隊負責;不過據講克萊倫斯宮好多員工都大感不滿,因為查理斯在任王子60年,呢批員工有唔少都至少工作10年以上,突然頓失工作變成失業,難免覺得難過呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: