【移民英國】人離鄉賤?英國歧視移民有幾嚴重?

英國歧視移民有幾嚴重?
英國歧視移民有幾嚴重?

早前講過移民英國實用資料,從挑選居住地點至搵工攻略,做好準備係咪就真係可以出發呢?根據好多移居英國人士嘅講法,好多人都係「身體上Ready」,但忽略咗「心寧上Ready」。移民他鄉,人離鄉賤,從生活上至想法上都有天大嘅轉變,而其中一大問題就係究竟去到第二個國家生活,會唔會被歧視?

學校:絕少歧視 鼓勵包容與共融

英國教育非常好,小朋友從小已經教育包容及共融,從唔同過來人口中得知,於英國讀書幾乎係零歧視;加上本身英國移民多,學校之中除咗英國人幾乎有一半係華人、黑人、南亞人、印度人等不同種族小朋友。學校中老師都會教導小朋友平等嘅重要性,所以幾乎絕少聽聞校園中有人歧視。不過作為家長,反而要注意一點係自己嘅小朋友有無封閉自己,因為根據英國學生所講,反而移民嘅小朋友會因為驚他人唔接受而自我保護,又或者只係同自己種族嘅人做朋友,變相自己歧視自己。所以切記要鼓勵小朋友多做主動,同其他同學做朋友。

英國學校之中有多國人種,互相接納包容,幾乎唔存在歧視問題。
英國學校之中有多國人種,互相接納包容,幾乎唔存在歧視問題。
學校教育做得好,校園歧視係十分嚴重違規行為。
學校教育做得好,校園歧視係十分嚴重違規行為。

租樓多限制 歧視最嚴重

小朋友嘅世界好純潔,學校歧視絕為少見;但去到成年人嘅世界係咪仲係咁完美。絕大多數華人去到英國,第一次出現被歧視嘅情況,就係搵樓。如果大家用BNO「5+1」移民計劃就要有心理準備,因為一直以嚟呢類非永久居民都好難租樓,有人更試過連睇十間樓都被業主拒租;有人話連睇樓嘅機會都無,甚至肯一次過畀晒一年租金同樣被拒絕。另外日常生活亦有「隱性歧視」情況,例如唔同商店可能對唔同人種有唔同待遇,對白人比較熱情嘅比比皆是;有工作見工時可能會對華人比較冷淡。當然,每個國家都總有「衰人」,三不五時有可能被人「潤」一句「點解你識講英文?」呢種偽英式幽默,大家都要有準備唔好太認真喇。

英國租樓過程繁複,業主對租客要求極高。
英國租樓過程繁複,業主對租客要求極高。
有唔少商店都有出現歧視情況,對非白人比較冷淡。
有唔少商店都有出現歧視情況,對非白人比較冷淡。

英國人自己都歧視英國人?

移民英國前,怕自己頂唔順有人歧視自己非本地人的話,或者要花啲功夫調整心態,需知道英國係一個相當複雜嘅民族,本身都由若干地區、人種組成,英格蘭、愛爾蘭、威爾斯、蘇格蘭組成英聯邦,當中含有極多歷史上嘅新仇舊恨,坦白講好多人話英國人都好鍾意歧視人,甚至英聯邦之中都會互相歧視,例如英格蘭人會恥笑威爾斯人嘅英文口音等。而另一種歧視係唔針對種族,只針對社會階層,不過呢一種相信作為香港人都唔會陌生,甚至都見唔少,唔詳述。因此當你認識到英國人嘅歷史文化之後,或者會對被歧視更有包容。

英國由多個地區組成英聯邦,其中包括英格蘭、愛爾蘭、威爾斯、蘇格蘭。
英國由多個地區組成英聯邦,其中包括英格蘭、愛爾蘭、威爾斯、蘇格蘭。
威爾斯人口音比較難聽得明,因此經常被英國本島人恥笑。
威爾斯人口音比較難聽得明,因此經常被英國本島人恥笑。

英國組織:擔心大批香港人湧英

其實今次英國政府向大約300萬合資格港人予以BNO「5+1」 暫居權,對香港人嚟講係好事,起碼多一個選擇;但英國人又點睇?根據「英國移民觀察」(Migration Watch UK)表示,唔少英國人擔心脫英後經濟會出現衰退,例如工作等受影響,而突如其來又有新一群移民湧至的話,可能會造成工作競爭、住屋需求急增、物價急升等問題。凡此種種,大家都要思量考慮,作為新移民去到當地要如何自處,點樣調整心態呢!

「英國移民觀察」表示,唔少英國人擔心脫英後經濟會出現衰退。
「英國移民觀察」表示,唔少英國人擔心脫英後經濟會出現衰退。
突如其來有新一群移民湧至的話,可能會造成工作競爭。
突如其來有新一群移民湧至的話,可能會造成工作競爭。

更多相關文章

【移民英國】搵工由零開始從何入手?咩行業缺人?邊區人工高?

【移民英國】英國倫敦最佳預備學校 入名牌中學前必讀?

【移民英國】2020最佳英國中學排名 公立/私立 Top 10

【留英資訊】居英生活小幫手 7個不得不下載的實用app