移英好選擇 小島獨立屋 有埋私碼頭只售900萬!
如果香港有900萬去買樓,可能只係買到普通3房1廳嘅屋苑。不過喺英國呢個價錢就足以等自己做「島主」!原來位於英國北威爾斯一個小島上就有一間獨立屋出售,引起唔少人注意。大屋佔地超過800坪,共有4個大廳及5間房,連帶一間獨立屋,同時有花園,當然唔少得停車庫,仲有埋專用私人碼頭!
大屋前身本為漁民住嘅小屋及維多利亞時期留下嘅浴場。經上身屋主買入改建成目前嘅大屋,而佢本身係一位退休建築商及測量師,難怪可以設計出一所咁完美嘅島上大宅。目前全島除咗呢所大宅外,只有另外一間屋,即係話只要買入大宅就可以成為半個島主,同鄰居一共分享小島!目前叫價只係90萬英鎊,唔少從事藝術創作嘅朋友都十分感興趣,因為睇中佢寧靜安逸嘅環境呢!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: