雅虎香港新聞 【移民英國】 點樣入手英國股票？
有意去英國落腳，少不免會諗投資英國股票，其實身在香港都可以開戶，入手英國知名企業股票。
英國股票一股有交易
散戶買股票普遍有本土偏好（Home Bias）心理，即使近年掀起美股熱潮，唔少散戶都係大注投入港股、小注試玩美股。假如你有意移民英國，就不妨為日後投資股票「本土偏好」熱身，分階段收集英國股票。
英國股市交易時段分夏令及冬令時間，夏令時間由香港時間下午3時至晚上11時30分；冬令時間由香港時間下午4時至晚上12時30分。以香港人生活習慣而言，相對美股基本上唔使捱眼瞓睇住個市。英國股市行T+2交收制，股份代號與美股一樣用英文字母，以一股為買賣單位，即係可以像玩美股般逐股儲。另外英國股票以便士報價（1英鎊＝100便士），落盤時就要自己簡單換算做英鎊。
初次涉足英國股票，最好先從富時100成份股入手，當中有不少係大家熟悉的跨國巨企。其中較值搏係倫敦交易所（LSEG），年前港交所提出收購已展示倫交所的價值。
另一穩健之選係聯合利華（ULVR），聯合利華網羅海量知名生活用品品牌，即使受通脹及經濟衰退衝擊，生活用品及食品仍有相當需求。睇好外賣行業前景，可考慮Just Eat Takeaway.com （JET），這間歐洲外賣業巨頭早前宣布收購Grubhub，成為較Uber Eats更強大的外賣巨企。
不過投資英國股票在本地市場較另類，銀行對開戶有一定要求，例如要提交擁有100萬元存款或流動資產證明，親民之選可考慮券商耀才，持有該行證券戶口即可以交易兼免收託管費，適合想在移民英國前小注儲英國股票的朋友。
伸延閱讀：
