雅虎香港新聞 移英想入學「霍格華兹」成熱討 網民列舉交通/匯率/校風全分析
香港的移民英國熱潮不斷，社交網站群組「英國香港人生活交流區」經常見到網民討論有關移民細節、生活安排等事宜。不過最受注目，必定是以下這則帖文：
「諗住5+1 去英國，睇咗幾城市，宜家諗緊霍格華兹果邊有冇人知物價、生活費係點？細路喺果度讀書有冇優勢？ Thx」。認真發帖問網友既程度，幾乎以為「霍格華兹」真係存在，即時引來一眾哈利波特迷留言爆笑討論！
有心水清既粉絲即時指正樓主話霍格華茲係學校，仲認真分享指位處名校區可能租屋比較困難。
「霍格華茲係學校，出面活米村環境差crime rate高，建議英格蘭西南部高維客洞，葛來多分以前住過，已經唔少香港人到左」
「買定隱形斗縫，樓都使租啦。」
「果度名校區來架，麻瓜租唔到屋架~~」
霍格華茲，是小說《哈利波特》中位於蘇格蘭的的魔法學校，教導學生如果使用魔法。
至於小朋友入學問題，網民最關心係樓主有無收到貓頭鷹派既入學信，仲教埋學費要去邊度交！
「你收到入學信未㗎？話唔定唔收你喎」
「你收到貓頭鷹封信先講」
「你想你個細路入葛箂分多定史箂哲林？」
樓主仲認真問：「求教，如果體育較勁應該入邊個？宜家仲未揀科」
哈利波特、妙麗格蘭傑、榮恩衛斯理就係葛箂分多學院既代表人物。
仲有網民對校風和提醒入學前準備，十足十真係要入學校一樣。
「我係舊生」
「建議買個地圖先 嗰頭電話收唔到訊號 用唔到GPS好易迷路」
「學校唔錯，不過冇左鄧不利多校長就差d囉。上amazon睇下仲有冇光輪3000，喺英國冇掃帚好唔方便。」
「學校係唔錯的，係每年都有人死咁解😂」
就連返學方式都引起大家熱烈討論，有網民建議樓主親身去坐火車。
「不如你親身參觀去國王十字車站 (Kings Cross Staion)月台 9¾ 搭火車! 」
「果度交通唔太方便，建議先睇睇車，二手飛天車，應該都可以上架驗。
再唔係去斜角巷睇下D掃帚，近排火閃電可以搞上會」
「其實所有學生都要喺倫敦King’s cross station上車開學，不如住番KC station算啦。」
哈利波特的第一支飛天掃帚，就係麥教授送給他的「光輪2000」。
群組內的成員設想周到，就連點樣開銀行戶口、匯率都有解答。
「去古靈閣開左銀行戶口先」
至於匯率方面都解答到「金加隆同英鎊係聯繫匯率1：5（即1加隆可換5英鎊）。」
另外移民最經常問到的治安、周邊配套問題，網民都可以完全將電影內容靈活套用！
「Hogwarts 最近嘅村莊係Hogsmeade, 但係生活機能差啲
得一間pub, 一間糖果店同tearoom. 冇超市㗎。」
「要問下海格，佢最熟行程」
亦有網民提出反對理由，主因是學校有怪物、昆蟲！
「痴線，間學校會有隻三頭狗出黎咬D學生，我唔會比我個仔讀囉」
「聽講好多蛇蟲鼠蟻，後花園啲蜘蛛成個人咁大隻，最大可以成架坦克咁大。殺蟲水要入多啲貨。同埋啲蛇中意藏係密室入面。小心啲」
佛地魔襲擊嬰兒時期的哈利波特，意外令他成為自己的分靈體，因此哈利擁有說和理解爬說語的能力，最後藉此入到密室殺死了蛇妖。
移民或者入學去霍格華兹就無可能架啦！如果你都想見識下霍格華兹城堡群、體驗下飛天掃帚、活米村的話，可以考慮之後去位於倫敦的「華納兄弟哈利波特影城」。
神還原電影中最重要場景之一，霍格華兹的 「Great Hall」，講台上仲有鄧不利多和其他魔法學園教職員們站著。
又或者可以考慮日本環球影城，雖然規模較細，但憑著機動遊戲「哈利波特禁忌之旅」的飛行體驗，都足已令粉絲願意排長龍都要玩。
環球影城園區都有一個活米村，可以入到店內購買紀念品。
