「穿梭時空」賀英皇80周年 張敬軒親身指導 撩老闆獻Sing

靚聲歌王張敬軒義務為英皇周年誌慶短片聲演，更「老師」上身親自指導楊受成開金口進行配音，他大讚老闆有天分，希望將來有幸邀請對方為其新歌獻聲。

張敬軒為英皇集團慶祝迎接80周年誌慶，在「From Time To Timeless」誌慶短片中，以聲音穿梭時空，將公司的發展歷史娓娓道來。英皇集團主席楊受成及副主席楊政龍（Alex）更首度大開金口為短片配音，軒仔除了向2人分享開聲之道，更親自落場兼任調音師，笑言能夠向兩位「作出指導」，是人生成就解鎖項目。

加入英皇多年，軒仔首次參與公司的周年誌慶，他表示心情興奮，錄音工作在其主理的AVON錄音室進行，他說：「老闆同Alex平時冇入studio錄音，我都有諗要點樣先可以緩解佢哋嘅壓力，協助進入狀態，點知原來佢哋心情輕鬆，一啲壓力都冇，仲好專業咁以唔同節奏、語調錄咗幾個版本，成個過程好流暢，唔使15分鐘已完成。」

講心唔講金

軒仔指老闆和Alex的聲線均有特色，並笑說：「一聽老闆把聲就知佢係『有故事嘅人』、Alex個聲底好紮實，辨識度好高，平日多數係老闆提點我有關工作同做人處事嘅貼士，今次終於有機會為老闆提供錄音心得。佢兩個都好有天分，唔知之後有冇機會請到佢哋參與我新歌featuring，或者試吓客串電影配音！」問到今次聲演可有酬勞？他說：「幫公司做嘢義不容辭，仲點會講錢，講心唔講金！」

軒仔聲演的短片共分為上下集，而楊受成與Alex除了參與配音，還擔綱驚喜彩蛋，為不同年代的發展作出總結及寄語。楊受成特別多謝投資者及客戶的支持和信任：「更加唔少得一班為集團默默耕耘嘅好同事。」而Alex展望將祖父兩輩累積的豐碩成果繼續發揚光大：「從小我跟隨父親游走於公司不同部門，公司已成為我成長嘅一部分。」