日本旅遊|箱根水族館拒絕加價 改用平價魚餵企鵝水獺慘遭「拒吃」即時吐出?
雖則話日本已經容許外國旅客以組團形式入境,但仍未完全恢復旅遊業,本土唔少旅遊業界人士都係吊命中。神奈川箱根一間水族館日前就鬧出一單新聞,原來因為水族館面臨資金壓力,於是將餵飼動物嘅飼料都「縮皮」,由過往竹筴魚變成低價鯖魚。
不過最惹笑係被鏡頭拍到工作人員食企鵝食魚時,企鵝聞到係鯖魚居然即時擰轉頭拒食,一臉嫌棄,場面有趣。後來工作人員又向水獺「推銷」鯖魚,好有心機切成一片片,但水獺放入嘴入面後發現唔係竹筴魚就即時吐出,真係食慣好嘢返唔到轉頭!
其實水族館轉糧都係迫於無奈,因為竹筴魚近日來貨價上升3成,於是決定改成鯖魚。疫情打擊影響入場人數,令水族館資金緊絀,加上電費加價令水族箱已經關閉部分照明,甚至減少清潔場地次數,希望節省成本。為吸引旅客,水族館堅持唔加入場費,認真用心良苦呢!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: